މިއަދު ގަލޮޅު ދަނޑުގައި ޔޯގާ ޑޭ ފާހަގަކުރަން ބޭއްވި ހަރަކާތް ބަޔަކު ވަދެ ހުއްޓުވި މައްސަލަ ބަލާނެ ކަމަށް ރައީސުލްުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހް ކުރެއްވި ޓްވީޓެއްގައި ވިދާޅުވީ ގަލޮޅު ދަނޑަށް ބަޔަކު ވަދެގަނެ ހިންގި ކަންތައް ވަރަށް ސީރިއަސް މައްސަލައެއްގެ ގޮތުގައި ފުލުހުން ތަހުގީގު ކުރަމުން އަންނަ ކަމަށެވެ. މިކަމުގައި ޒިންމާވާ މީހުން ގާނޫނުގެ ކުރިމައްޗަށް ގެންނާނެކަމަށް ރައީސް ވިދާޅުވިއެވެ.
މިއަދު ގަލޮޅު ދަނޑުގައި ޔޯގާ ޑޭ ފާހަގަކުރުމުގެ ގޮތުން ހަރަކާތެއް ހިންގަމުން ދަނިކޮށް އެކަމަށް ހުރަސް އެޅީ ޝަހާދަތުގެ ދެ ކަލިމަ ޖަހާފައިވާ ދިދަތަކެއް ހިފައިގެންނެވެ. މި ހަރަކާތް ބާއްވަން ތާވަލްކުރުމާއި އެކު ގިނަ ދީނީ އެިލްމުވެރިންތަކެއް ވެސް ވަނީ އެކަމާ ދެކޮޅަށް އަޑު އުފުލާފައެވެ.
An investigation has been launched by @PoliceMv into the incident that happened this morning at Galolhu stadium.
This is being treated as a matter of serious concern and those responsible will be swiftly brought before the law.
— Ibrahim Mohamed Solih (@ibusolih) June 21, 2022
މި މައްސަލާގައި މިހާތަނަށް ވަނީ ހަ މީހަކު ހައްޔަރުކޮށްފައެވެ.
ބައިނަލްއަގުވާމީ ޔޯގާ ދުވަސް 2015 ވަނަ އަހަރުން ފެށިގެން ރާއްޖޭގައި ފާހަގަކުރަމުން އަންނައިރު، މިހާތަނަށް މިފަދަ އެއްވެސް ހަމަނުޖެހުމެއް ހިންގާފައި ނުވާކަން ފާހަގަކުރެވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!