ކޭއާރްއެޗް އީއާރުގައި ފަރުވާދެމުންދިޔަ މީހެއް ޕޮޒިޓިވް ވެއްޖެ

ކުޅުދުއްފުށީ ރީޖަނަލް ހޮސްޕިޓަލް (ކޭއާރްއެޗް) ގެ އެމަޖެންސީ ރޫމް (އީއާރް) ގައި ފަރުވާދެމުންދިޔަ މީހަކު ކޮވިޑް-19 އަށް ޕޮޒިޓިވް ވެއްޖެއެވެ.

ކޭއާރްއެޗް އިން ހާމަކުރިގޮތުގައި ޕޮޒިޓިވް ވެފައިވަނީ 61 އަހަރުގެ އަންހެނެކެވެ. މި އަންހެންމީހާ އީއާރަށް ގެނެވުނީ މިއަދު ހަވީރު 16:05 ގާ ކަމަށްވެސް އެ ހޮސްޕިޓަލުން ހާމަކުރިއެވެ.

އެމެޖެންސީއަށް އޭނާ ގެނެސް ސާމްޕަލްނެގީ ރޯގާ ގެ އަލާމާތްތަކާއިއެކު ނޭވާކުރުވުމުން ކަމަށްވެސް ކޭއާރްއެޗް އިން މައުލޫމާތުދެއެވެ.

އަދި އެ މީހާ މިހާރުވަނީ އޭނާގެ އާއިލާއާއެކު ކުޅުދުއްފުށި ސިޓީގައި ހުންނަ ކޭޕީއެލް އައިސޮލޭޝަން ފެސިލިޓީއަށް ގެންދެވިފާކަމަށްވެސް އެ ހޮސްޕިޓަލުން ބުންޏެވެ.

A 61y old female patient being treated at ER has been tested +ve for Covid-19. The patient was received by ER at 1605hrs. A sample was taken following shortness of breath & flu symptoms. The patient now has been transferred to the KPL isolation facility along with relatives. pic.twitter.com/VhC3BLFh3v

— Kulhudhuffushi Regional Hospital (@KRHmv) July 12, 2021

މި ކޭސް އާއި ގުޅިގެން ކުޅުދުފުށި ސިޓީ އަށް ވަކި ޚާއްސަ ފިޔަވަޅެއް އަޅާފާ ނުވާކަން ކޭއާރް އެޗްއިން ފާހަގަކުރިއެވެ. ނަމަވެސް ށ. ފޯކައިދޫ ވަނީ މޮނިޓަރިންގެ ހާލަތަށް ގެނެވިފައެވެ. އެމީހާއަކީ ށ. ފޯކައިދޫ މީހެއްކަމަށް މަޢުލޫމާތު ލިބެއެވެ.