އެއްޗެއް ގޮއްވާލުމުން ރައީސް ނަޝީދަށް އަނިޔާވެއްޖެ

ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ ގެކޮޅު، ގ. ކެނެރީގެ ކައިރީގައި އެއްޗެއް ގޮއްވާލައި، އެމަނިކުފާނަށް އަނިޔާވެއްޖެ އެވެ.

އެ ހާދިސާ ހިނގާފަވަނީ، ނަޝީދުގެ ގެކޮޅު ކަމަށްވާ ކެނެރީގެ ހުންނަ، ކެނެރީ މަގުގެ ކޮޅުން މަޖީދީމަގާ ވީ ކޮޅުގަ ކަމަށް މައުލޫމާތު ލިބެއެވެ.

ހަމަލާގައި ރައީސް ނަޝީދުގެ ހަށިފާރަވެރިއަކަށާއި، ބިދޭސީއަކަށް ވެސް އަނިޔާވި ކަމަށް މައުލޫމާތު ލިބެއެވެ. މީގެ އިރުކޮޅެއް ކުރިން ދިން ހަމަލާއަށް ފަހު ރައީސް ނަޝީދު މިހާރު ވަނީ ފަރުވާ އަށް އޭޑީކޭ ހޮސްޕިޓަލަށް ގެންގޮސްފަ އެވެ.

އެއްޗެއް ގޮއްވާލާފައި ވަނީ އެމަނިކުފާނު ކާރަށް އަރާވަޑައިގަންނަވަނިކޮށް ކަމަށް ވެއެވެ.

ކޮންމެ ބަޔަކު ކުރިކަމުގައި ވިޔަސް މި ޒާތުގެ ފިނޑި ހުތުރު ޢަމަލުތައް އަޅުގަނޑު އިމެއް ނެތި ކުށްވެރި ކުރަން. pic.twitter.com/kTP2dRkG8e

— Hussain Areef (@husainaryf) May 6, 2021

އޭޑީކޭ ހޮސްޕިޓަލްގެ ޑޮކްޓަރުންނާއި ހަވާލާދީ ބައެއް މީޑިއާތަކުން ރިޕޯޓްކުރާ ގޮތުގައި ރައީސް ނަޝީދުގެ ހާލުކޮޅު ރަނގަޅެވެ.

Following an explosion on Neeloafaru Magu in Malé, Speaker of Parliament President Mohamed Nasheed has sustained injuries and is currently receiving treatment at ADK Hospital.
1/2

— Maldives Police (@PoliceMv) May 6, 2021

އެ ސަރަހައްދުގައި ސިފައިންނާއި ފުލުހުން އަންނަނީ ހަރަކާތްތެރިވަމުންނެވެ. ސިފައިން ހަރަކާތްތެރިވަމުން ދަނީ ހަތިޔާރާއެކުގަ އެވެ.

ގިނަ އަދަދެއްގެ އާންމުން ވެސް ވަނީ އެ ސަރަހައްދަށް ޖަމާވެފަ އެވެ.

I strongly, wholeheartedly condemn the attack aimed at my fmr running mate & predecessor @MohamedNasheed. The propagation of hate in Maldivian politics must end, & we must find ways to unite & work together, rather than divide. My prayers are with him, the SPG, & their families.

— Mohamed Waheed (@DrWaheedH) May 6, 2021

ރައީސް ނަޝީދަށް ދިން މިހަމަލާ، ކުރީގެ ދެ ރައީސުން ކަމަށްވާ ރައީސް މައުމޫނާއި، ރައީސް ވަޙީދު ވަނީ ކުށްވެރި ކުރަށްވާ ޓްވީޓް ކުރަށްވާފަ އެވެ.