ކޯވިޑް-19 ހާލަތުގެ ސަބަބުން ރާއްޖެ ނާދެވި، ތައިލެންޑުގައި ތިބި 26 ދިވެހިން ރޭ ޤައުމީ އެއަރލައިން މޯލްޑިވިއަންގެ ފްލައިޓެއްގައި ރާއްޖެ ގެނެސްފިއެވެ.
މިމީހުން ރާއްޖެ އައުމުން މިއެންމެންވެސް ވަނީ 14 ދުވަހުގެ ކަރަންޓިން ފުރިހަމަ ކުރުމަށް ކަރަންޓީނު ފެސިލިޓީއަށް ގެންގޮސްފައެވެ.
Our repatriation flight that flew to #BKK this morning will return back home tonight to @VelanaAirport with 26 Maldivian nationals. Check In #HappsNow#BringingOurCitizensHome @ThaiConsulateMV pic.twitter.com/nsW9amlGl0
— Maldivian (@MaldivianAero) May 25, 2020
ތައިލެންޑުގައި ތިބި ދިވެހިން ރޭ ރާއްޖެ ގެނައިއިރު އިއްޔެވަނީ ރާއްޖޭގައި ތިބި ތައިލެންޑުގެ 15 މީހުންވެސް ޤައުމަށް ފޮނުވައިފައެވެ. ރާއްޖޭގައި ހުންނަ ތައި ކޮންސިއުލޭޓުން އިއްޔެ ބުނީ މޯލްޑިވިއަންގެ ފްލައިޓުގައި ރާއްޖޭގައި ތިބި 15 މީހަކު އިއްޔެ ފުރާފައިވާ ކަމަށެވެ. އަދި ކޮލަމްބޯ މަގުން 63 މީހަކު ވެސް އެ ފްލައިޓުގައި ބެންކޮކަށް ދަތުރުކުރާނެ ކަމަށެވެ.
The 4th and the last repatriation flight for Thai nationals will return today 15 & 63 Thais from Male’ and Colombo respectively onboard a chartered @MaldivianAero flight. We have helped a total of 349 Thais from Maldives to return home during this pandemic. Thanks all who helped. pic.twitter.com/hSiEoXlOCD
— Royal Thai Honorary Consulate in the Maldives (@ThaiConsulateMV) May 25, 2020
ރާއްޖޭގައި ހުންނަ ތައި ކޮންސިއުލޭޓުން ބުނެފައި ވަނީ އިއްޔެ ފޮނުވާލެވިފައިވަނީ ތައި މީހުން ފޮނުވާ 4 ވަނަ ފްލައިޓް ކަމަށެވެ. އަދި މިހާތަނަށް 349 ތައި ރައްޔިތުން ކޯވިޑާއި ގުޅިގެން ޤައުމަށް ފޮނުވައި ދެވިފައިވާކަމަށް އެ ކޮންސިއުލޭޓުން ވަނީ ބުނެފައެވެ.
މީގެކުރިން އިންޑިއާއާއި، ސްރީލަންކާއާއި، ނޭޕާލާއި، ބަންގްލަދޭޝާއި، ފިލިޕީންސާއި، އަދި މެލޭޝިއާގައި ރާއްޖޭ ނާދެވި ތިބި އެތައް ދިވެހިންނަށް ސަރުކާރުން ވަނީ ރާއްޖެ ގެނެސްދީފައެވެ. މިހާތަނަށް ދުނިޔޭގެ އެކި ކަންކޮޅުތަކުގައި ރާއްޖެ ނާދެވިތިބި 1000 އަށްވުރެ ގިނަ ދިވެހިން ރާއްޖެ ގެނެސްދީފައިވާކަމަށް ސަރުކާރުން ވަނީ ހާމަ ކުރަށްވާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!