ގދ.ތިނަދޫގައި ހުއްދަނެތި ގެއަކަށްވަދެ ހުތުރުބަހުން ވާހަކަދައްކައި މާރާމާރީ ހިންގި މައްސަލައެއްގައި އަންހެނަކު ހައްޔަރުކޮށްފިއެވެ.

ފުލުހުން ބުނީ މިދިޔަ ބުދަ ދުވަހުގެ ރޭ 22:38 ހާއިރު ގދ.ތިނަދޫގައި، މީހަކު ހުއްދަނެތި ގެއަކަށްވަދެ، އެގޭގައި ކުޑަކުދިންތަކެއްވެސް ތިއްބައި ހަޑިހުތުރުބަހުން ޒުވާބުކޮށް މާރާމާރީ ހިންގައި އިންޒާރުދިން މައްސަލައެއް އެ އިދާރާއަށް ހުށަހެޅިފައިވާކަމަށެވެ.

Ad
rt

މި މައްސަލައާއި ގުޅިގެން ތިނަދޫ/ފޫޓް ލައިޓް އާގެ، އުމުރުން 49 އަހަރުގެ އައިމިނަތު ފަޒްލީން ހައްޔަރުކޮށްފައިވާކަމަށް ފުލުހުން ބުންޏެވެ.

އޭނާ ހައްޔަރުކޮށްފައި ވަނީ ކޯޓު އަމުރެއްގެ ދަށުން މިއަދު 14:32 ގައި ކަމަށް ވެސް ފުލުހުން ބުންޏެވެ.

ފުލުހުން ބުނިގޮތުގައި މި މައްސަލަދަނީ ތަހްގީގްކުރަމުންނެވެ.