ކުޅުދުއްފުށި ސިޓީއަށް ކުރަމުންދާ ގަދަ ވިއްސާރައިގެ ސަބަބުން ރަށުގެ އެކި ސަރަހައްދުތަކުގައި ފެންބޮޑުވެފައިވާތީ، ކުޅުދުއްފުށި ސިޓީ ކައުންސިލުން ވަގުތީ ހޮޓްލައިނެއް ޤާއިމްކޮށްފި އެވެ.
މިގޮތުން ފެންބޮޑުވެ އެހީތެރިކަން ބޭނުންވާ ފަރާތްތަކަށް 6527120 ނަންބަރަށް ގުޅުމަށް ކައުންސިލުން އަންގާފައިވެއެވެ.

މޯލްޑިވްސް މީޓިއޮރޮލޮޖިކަލް ސަރވިސްއިން މިރޭ 8:15 އިން ފެށިގެން ދަންވަރު 1:00 އާ ހަމައަށް ރާއްޖޭގެ އުތުރު އަތޮޅުތަކަށް ރީންދޫ ސަމާލުކަމުގެ އިންޒާރެއް ނެރެފައިވެއެވެ. މި އިންޒާރުގައި އުތުރުގެ އަތޮޅުތަކަށް ބޯކޮށް ވާރޭވެހި، ގުގުރައި ގަދަ ވައި ޖެހުމުގެ ފުރުސަތު އޮތްކަމަށް ބަޔާންކޮށްފައިވެއެވެ.

މޫސުން ގޯސްވުމުގެ ސަބަބުން ވިލާގަނޑުގައި ގަޑިއަކު 45 މޭލުގެ ބާރުމިނުގައި ވައިޖެހި، ކަނޑުތައް ގަދަވާނެ ކަމަށް މޫސުމާބެހޭ އިދާރާއިން ލަފާކޮށްފައިވެއެވެ.

Ad
rt
މި ހާލަތުގައި ކަނޑުދަތުރުފަތުރު ކުރާ ފަރާތްތަކާއި މަސްވެރިން ވަރަށް ބޮޑަށް ސަމާލުވުމަށާއި، އާންމު ރައްޔިތުންވެސް މޫސުމަށް ސަމާލުވެ ރައްކާތެރިކަމުގެ ފިޔަވަޅުތައް އެޅުމަށް މޫސުމާބެހޭ އިދާރާއިން އިލްތިމާސްކޮށްފައިވެއެވެ.

މޫސުމަށް އަންނަ ބަދަލުތަކާ ގުޅޭ އެންމެ ފަހުގެ މަޢުލޫމާތު ހޯދުމަށް މޯލްޑިވްސް މީޓިއޮރޮލޮޖިކަލް ސަރވިސްގެ ރަސްމީ ޗެނަލްތަކަށް ސަމާލުކަން ދިނުމަށް އެ އިދާރާއިން އެދިފައިވެއެވެ.