ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) ގެ މެނޭޖިންގ ޑިރެކްޓަރ މޫސާ އަލި މަނިކު (މޫކޭ) ދަރިފުޅާއެކު ސައިކަލުގައި ވަޑައިގަންނަވަނިކޮށް މީހަކު މަރުގެ އިންޒާރު ދީފިއެވެ.

މޫކޭ ރޭ 21:30 ގައި މީހެއްގެ ފޮޓޯ ''އެކްސް''ގައި ހިއްސާކުރައްވަމުން ލިޔުއްވާފައިވާ ގޮތުގައި އެ މީހާ ވަނީ މޫކޭ ދަރިފުޅާއެކު ސައިކަލުގައި ވަޑައިގަންނަވަނިކޮށް އަވުގުރާނަ ގޮވައި، މާރާމާރީ ހިންގާފައެވެ.

Ad
rt

''އަދި ދަރިފުޅާއި އަޅުގަނޑު މަރާލާނެ ކަމަށްބުނެ އިންޒާރުވެސް ދީފައި'' މޫކޭ ވިދާޅުވެފަވެއެވެ.

މޫކޭ ވިދާޅުވެފައިވާގޮތުގައި އެ މައްސަލަ މިހާރު ވަނީ އޭނާ ދިވެހިފުލުހުންނަށް ހުށަހަޅުއްވާފައެވެ.

މި މައްސަލައާއިގުޅިގެން ފުލުހުން މިއަދު ވިދާޅުވީ، މި މައްސަލަ އެ އިދާރާއަށް ރޭގައި ހުށަހަޅާފައިވާ ކަމަށެވެ. އަދި އެ މައްސަލައިގެ ތަހުގީގު މިހާރު ފަށާފައިވާ ކަމަށެވެ.

މޫކޭ އަކީ އާރުޑީސީގެ އެމްޑީޕީގެ އިތުރު އެމްޑީޕީގެ މަޑުއްވަރީ ދާއިރާ ރައީސް އެވެ.