ހދ. ކުޅުދުއްފުށީ ސިޓީ ކައުންސިލަށް 1 އަހަރު ފުރުމުގެ މުނާސަބާގައި ވަރަށް ހާއްސަ ރަސްމިއްޔާތެއް ބާއްވާފައިފި އެވެ.

މި ރަސްމިއްޔާތު ބޭއްވީ މިއަދު މެންދުރު 13:30 ގައި އަފީފުއްދީން ސްކޫލު ހޯލުގައެވެ.

Ad
rt

ގިނަ އަދަދެއްގެ ބަޔަކު ބައިވެރިވި މި ރަސްމިއްޔާތު ޝަރަފުވެރިކޮށްދެއްވީ އަފީފުއްދީން ސްކޫލުގެ ޕްރިންސިޕަލް ނާޞިޙާ އިދްރީސް އެވެ. މި ރަސްމިއްޔާތުގައި ވޭތުވެދިޔަ އަހަރު އެކި ގޮތްގޮތުން ކައުންސިލަށް އެހީތެރިކަން ފޯރުކޮށްދެއްވާފައިވާ ފަރާތްތަކަށް އެކައުންސިލުން ވަނީ ހަނދާލިޔުން އަރުވާފައެވެ.

އިތުރުން އިމާމުންގެ ގޮތުގައި ކުޅުދުއްފުއްޓަށް ދިގު މުއްދަތަކަށް ޚިދުމަތް ކުރެއްވުމަށްފަހު ޝަރަފުވެރިކަމާއެކު ވަޒީފާއިން މުސްކުޅިކުރައްވާފައިވާ ފަރާތްތަކަށާއި ސިޓީ ކައުންސިލަށް ދިގު މުއްދަތަކަށް ގިނަ ހިދުމަތްތަކެއް ކުރެއްވުމަށްފަހު ޝަރަފުވެރިކަމާއެކު ވަޒީފާއިން މުސްކުޅިކުރައްވާފައިވާ ފަރާތްތަކަށްވެސް ކައުންސިލުގެ ފަރާތުން ވަނީ ހަނދާނީ ފިލައެއް އަރުވާފައެވެ.

ލާމަރުކަޒީ ގާނޫނަށް ގެނެވުނު އިސްލާހުތަކާއެކު ކައުންސިލްތަކަށް ލިބިދޭ ބާރާއެކު އާ ކައުންސިލްތަކުގެ މެންބަރުން ހުވާކޮށް މަގާމާއި ހަވާލުވިތާ އަހަރެއްވީ މިމަހުގެ 17 ވަނަ ދުވަހު އެވެ.