އުތީމު ކައުންސިލްގެ ސިއްކަ ފަރުމާކުރުމުގެ ފުރުސަތު، އެންމެ މޮޅު ފަރުމާއަކަށް ފައިސާގެ އިނާމެއް

ހއ. އުތީމު ކައުންސިލް އިދާރާގެ ސިއްކަ ފަރުމާކޮށްދޭނެ ފަރާތެއް ހޯދުމަށް އެކައުންސިލުން އިއުލާންކޮށްފިއެވެ.

އެކައުންސިލުން ނެރެފައިވާ އިއުލާނުގައި ބުނެފައިވާ ގޮތުން ސިއްކަ ފަރުމާކުރުމަށް ޝައުގުވެރިވެލައްވާ ފަރާތްތަކަށް އެފުރުސަތު މިހާރު ހުޅުވާލާފައިވާ ކަމަށެވެ.

އެގޮތުން މިކަމަށް ޝައުގުވެރިވެލައްވާ ފަރާތްތަކުން އަންނަ ފެބުރުއަރީ މަހުގެ 2 ވަނަ ދުވަހު މެންދުރުފަހު 14:00 ގެ ކުރިން އެ އިދާރާގެ މެއިލް އެޑްރެސް info@utheem.gov.mv އަށް ސިއްކަ ފަރުމާކުރުމަށްފަހު މެއިލް ކުރުމަށް އެކައުންސިލުން ވަނީ އެދިލައްވާފައެވެ.

އުތީމު ކައުންސިލް އިދާރާގެި ސިއްކަ ފަރުމާ ކުރުމުގައި ހިމެނެމަށް ސަމާލުވާން ޖެހޭ ކަންކަން

• މި ސިއްކާގައި އުތީމު ރަމްޒު ކޮށް ދިނުން
• އެއްވެސް ތަނެއްގައި ބޭނުން ކުރަމުންދާ ސިއްކައަކަށް ނުވުން ( ކޮޕީ އަކަށް ނުވުން )
• އެއްވެސް ސިޔާސީ ޕާޓީއެއް ރަމްޒުކޮށްދޭ އެއްޗަކަށް ނުވުން
• ހއ. އުތީމަށް ނިސްބަތް ކުރެވޭ ޚާއްޞަ ސިފައެއް ރަމްޒު ކޮށްދޭ އެއްޗަކަށް ވުން
• 20mm x 20mm އަށް ކުޑަކުރުމުން ސިއްކައިގެ އަސްލު ނުގެއްލުން
• ލޯގޯއިން ރަމްޒު ކޮށްދޭ އެއްޗެއްގެ ތަފްސީލު ހުށަ އެޅުން
• ސިއްކައަކީ ރަމްޒީ އެއްޗަކަށްވާތީ، ސިއްކަ ފަރުމާ ކުރެވިފައި ހުންނަންވާނީ ވީހާވެސް ފަސޭހައި ކޮންއެއްޗެއްކަން ދެނެގަނެވޭނެ ގޮތަކަށެވެ.
• ސިއްކައިގައި '' ތިލަދުންމަތީ އުތުރުބުރީ އުތީމު ކައުންސިލްގެ އިދާރާ '' މިގޮތަށް ދިވެހި ބަހުން ނުވަތަ އިނގިރޭސިބަހުން ލިޔަންވާނެއެވެ.
• މައުދަނުގައި ނުވަތަ ފައިބަރ ގައި ކަނޑާ ނަގައިގެން ސިފަ ފާޅު ކުރެވޭނެ ގޮތަށް ފަރުމާ ކުރެވިފައިވުން
• ހުށައަޅާ ސިއްކައިގެ ހާޑް އަދި ސޮފްޓް ކޮޕީ ހުށައަޅަން ވާނެއެވެ.
• ލޯގޯ ހެދުމުގައި މި ކުލަތަކަށް (ނޫ، ހުދު، ފެހި އަދި ޗޮކްލެޓް) އިސްކަން ދެވިދާނެއެވެ.

އެއްވަނަ އަށް ހޮވޭ ސިއްކައަކަށް ކައުންސިލްގެ ފަރާތުން 4000 ރުފިޔާ ( ހަތަރު ހާސް ރުފިޔާ ) ދިނުމަށް ނިންމާފައިވާ ކަމަށް އުތީމު ކައުންސިލުން ވިދާޅުވެއެވެ.