ހދ. ނެއްލައިދޫ މޮނިޓަރިން އަށް ލުމާއި ގުޅިގެން އެރަށުގައި އަޅާފައިވާ ރައްކާތެރިކަމުގެ ފިޔަވަޅުތައް އިތުރަށް ވަރުގަދަކޮށްފިއެވެ.

އެރަށު ކައުންސިލުން މައުލޫމާތު ދީފައިވާ ގޮޮތުގައި ރަށް މޮނިޓަރިން އަށް ލެވިފައި މިވަނީ މިމަހުގެ 4 ވީ އަންގާރަ ދުވަހު އެރަށު ސިއްޙީ މަރުކަޒަށް ޑޮކްޓަރަށް ދެއްކި ފަރާތެއްގެ ފުލޫ ސާމްޕަލް ކޯވިޑް-19 އަށް ޕޮޒިޓިވް ވުމާއި ގުޅިގެންނެވެ.

Ad
rt

އެގޮތުން މިހާރު ވަނީ އެރަށުގައި ކޯވިޑް އިން ރައްކާތެރިވުމުގެ ފިޔަވަޅުތައް އިތުރަށް ވަރުގަދަ ކޮށްފައެވެ. އެގެ ތެރޭގައި ހިމެނެނީ:

  • ރޭގަނޑު 10:00 އިން ފެށިގެން ފަތިހު 4:00 އަށް، އެއްގަމު އުޅަނދުފަހަރު ދުއްވުމާއި، މަގުމައްޗާއި ޢާއްމު ތަންތަނަށް ނިކުމެ އުޅުމަކީ މަނާކަމެކެވެ.
  • ޝަރޫރީ ބޭނުންތަކުގައި މެނުވީ ގެއިން ބޭރަށް ނުނިކުތުން.
  • ޕާޓީތަކާއި، ޙަފްލާތަކާއި، ރަސްމިއްޔާތުތައް ބޭއްވުން ހުއްޓައިލުން.
  • އެއް ގެއިން އަނެއް ގެއަށް ޒިޔާރަތްކުރުން ހުއްޓައިލުން.
  • އެއްފަހަރާ 3 (ތިނެއް) މީހުންނަށްވުރެ ގިނަމީހުން މަގުމައްޗާއި ޢާއްމު ތަންތާނގައި އެއްވެއުޅުން

ހުއްޓައިލުން.

  • ނހުރިހާ ކުޅިވަރު ޙަރަކާތްތަކާއި، ކަސްރަތު ޙަރަކާތްތައް ހިންގުން ހުއްޓައިލުން.
  • ފިހާރަތަކުން ޚިދުމަތް ދޭއިރު، ހެލްތު ޕްރޮޓެކްޝަން އެޖެންސީން ޢާއްމުކޮށްފައިވާ ގައިޑްލައިނާ އެއްގޮތަށް ޚިދުމަތް ދިނުން.
  • ހޮޓާތަކާއި، ކެފޭތަކާއި، ކާބޯތަކެތީގެ ޚިދުމަތްދޭ އެހެނިހެން ތަންތަނުން ދެމުންދާ ޚިދުމަތްތައް ހުއްޓައިލުން. މީގެ ތެރޭގައި، ޓޭކްއަވޭ އާއި ޑެލިވަރީގެ ޚިދުމަތެއް ނުހިމެނެއެވެ.

މީގެއިތުރުން ފުރަތަމަ ބަޔާންކޮށްފައިވާ ފިޔަވަޅުން، ތިރީގައި ބަޔާންކޮށްފައިވާ ފަރާތްތައް އިސްތިސްނާވާނެ ކަމަަށް އެކައިންސިލުން ވަނީ ބުނެފައެވެ. އެފަރާތްތަކަކީ:

  • ސިފައިންނާއި ފުލުހުން
  • ޞިއްޙީ ޚިދުމަތްދޭ އިދާރާތަކުގެ މުވައްޒަފުންނާއި، އެމުވައްޒަފުން ދުއްވާ އުޅަނދުފަހަރު.
  • އެމްބިއުލަންސް.
  • މޮނިޓަރިންގެ ޙާލަތުގައި އޮންނަ ރަށްރަށުގެ ޓާސްކުފޯހުގެ ފާސް ލިބިފައިވާ ފަރާތްތައް.
  • އިމަރޖެންސީކޮށް ޞިއްޙީ ޚިދުމަތް ހޯދަންޖެހޭ ފަރާތްތައް.

ނެއްލައިދޫ ކައުންސިލުން ވަނީ މި އެޅުނު ފިޔަވަޅުތަކަށް ސަމާލުކަންދެއްވައި އެގޮތުގެމަތިން ޢަމަލުކުރުމަށް އެރަށުގެ ރައްޔިތުންގެ ފަރާތުން އެދިލައްވާފައެވެ.

މި ކޭސް އާއި ގުޅިގެން އެރަށުން އިތުރު 5 މީހުން ވަނީ ކޯވިޑަށް ޕޮޒިޓިވް ވެފައެވެ. އަދި ރަށުގެ 19 ގެ އެއް ވަނީ މިވަގުތު ކަރަންޓީން އަށް ލެވިފައެވެ.