ކޮމަންޑޫ ދާއިރާގެ ބައިލެކްޝަނަށް ކުރިމަތިލި ކެންޑިޑޭޓުންގެ މެދުގައި މިރޭ ގުރު ނަގައިފިއެވެ.

އިންތިޚާބާބެހޭ މައި މަރުކަޒު، ބާ ޖަމާލުއްދީން ސްކޫލްގައި މިކަމަށް އޮތް ބައްދަލުވުމުގައި ނެގި ގުރުގައި ކެންޑިޑޭޓް ނަމްބަރު 1 ލިބުނީ އެމްޑީޕީގެ ކެންޑިޑޭޓް މުހައްމަދު ރާޝިދަށެވެ.

Ad
rt

2 އެއް ލިބުނީ ޕީޕީއެމް ކެންޑިޑޭޓު މޫސާ ފަޠުހީ އާދަމަށެވެ. އަދި 3 ލިބުނީ އެމްއެންޕީގެ ކެންޑިޑޭޓް ޙަންނާން އިދުރީސްއަށެވެ.

އީސީން މިހާރު ވަނީ އެ އިންތިޚާބުގެ އޮބްޒާވަރުންނަށާއި، މޮނިޓަރިންނަށް ވުމުގެ ފުރުޞަތު ވެސް ހުޅުވާލައި، އެ އިންތިޚާބުގައި ވޯޓު ފޮށި ބަހައްޓާ ތަންތަން ވެސް ޢިއުލާންކޮށްފައެވެ.

އެ ގޮނޑިއަށް މެންބަރަކު އިންތިޚާބުކުރުމަށް ބާއްވާ ރައްޔިތުންގެ ބައި-އިލެކްޝަން ބާއްވަން އީސީއިން ނިންމާފައި ވަނީ، 2022 ފެބުރުވަރީ 05 ވާ ހޮނިހިރު ދުވަހު އެވެ.

ކޮމަންޑޫ ދާއިރާގެ ގޮނޑި ހުސްވީ އެ ދާއިރާގެ މެންބަރު ހުސައިން ވަހީދު މި މަހުގެ 13 ވީ ހޯމަދުވަހުގެ ރޭ އަވަހާރަވުމާ ގުޅިގެންނެވެ.