ފުލުހުން ހިންގި ޚާއްސަ އޮޕަރޭޝަނެއްގައި 215 ކިލޯގެ މަސްތުވާތަކެތި އަތުލައިގެންފައިވާކަމަށް ހާމަކޮށްފިއެވެ.
ކޮމިޝަނާ އޮފް ޕޮލިސް މުޙައްމަދު ހަމީދު ވިދާޅުވީ ފުލުހުން ހިންގި ޚާއްސަ އޮޕަރޭޝަނެއްގައި އަތުލައިގެންފައިވަނީ މަސްތުވާތަކެތީގެ ބާވަތެއް ކަމަަށްވާ ހެރޮއިން ކަމަށެވެ.
މިކަން ހާމަކުރައްވަމުން ސީޕީ ހަމީދު ކުރެއްވި ޓްވީޓެއްގައި ވިދާޅު، ބުދަ ދުވަހުން ފެށިގެން ފުލުހުންގެ ޑްރަގް އެންފޯސްމަންޓް ޑިޕާޓްމަންޓާއި މެރިން ޕޮލިހާއި، ފޮރެންސިކު ޑިޕާޓްމަންޓާއި، ރ. އަތޮޅު ޕޮލިސް ސްޓޭޝަންއާއި އަދި އިންޓެލިޖެންސް ޓީމްތައް ގުޅިގެން ހާއްސަ އޮޕަރޭޝަނެއް ހިންގާފާވާ ކަމަށެވެ.
އަދި މި އޮޕަރޭޝަންގައި ދެ މީހަކުވެސް ހައްޔަރުކޮށްފައިވާ ކަމަށެވެ. އަދި މި އޮޕަރޭޝަންގައި 215 ކިލޯގެ މަސްތުވާތަކެތި އަތުލައިގެންފައިވާކަމަށް ވިދާޅުވިއެވެ.
އެ އޮޕަރޭޝަނަށް ދިވެހި ސިފައިންނާއި އިންޑިއާގެ ކަމާގުޅޭ އިދާރާތަކުން އެހީތެރިވެދިން ކަމަށް ޕޮލިސް ކޮމިޝަނާ ވަނީ ފާހަގަ ކުރައްވާފައެވެ.
In a second successful counter narcotics operation that began on Wednesday, DED, Marine Police, Forensics, Raa Atoll Police & Intelligence teams have arrested two individuals and seized approximately 215 kgs of heroin. We thank Govt. of #india & @MNDF_Official for the inputs. pic.twitter.com/OvtOfrWQYA
— Mohamed Hameed (@M_Hameedh) October 15, 2021
215 ކިލޯގެ މަސްތުވާތަކެތި އަތުލައިގެންފައި މިވަނީ އިއްޔެގެ ވަގުތެއްގައި 100 ކިލޯގެ މަސްތުވާތަކެތި އަތުލައިގެންފައި ވަނިކޮށެވެ.
މަސްތުވާ ތަކެއްޗާއި ދެކޮޅަށް ފުލުހުން ގިނަ މަސައްކަތްތަކެއް ކުރައްވަމުން ގެންދަވާއިރު، ގިނަ އަދަދެއްގެ މަސްތުވާ ތަކެތި ހޯދައި، އެތަކެތި ދައުރުކުރާ ނެޓްވޯކް ތަކުގެ މީހުން ވެސް އަންނަނީ ހައްޔަރުކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!