އިރުއުތުރު އަރަބި ކަނޑުގައި އުފެދިފައިވާ ބާރުގަދަ ކޮޅިގަނޑު ތޫފާނަކަށް ބަދަލުވެއްޖެއެވެ.
ރާއްޖޭގެ މޫސުމާބެހޭ ގައުމީ އިދާރާ، މޯލްޑިވްސް މީޓިއޮރޮލޮޖިކަލް ސާވިސްއިން ދެންމެ ވިދާޅުވީ، އިރުއުތުރު އަރަބި ކަނޑުގައި އުފެދިފައިވާ ބާރުގަދަ ކޮޅިގަނޑު ތޫފާނަކަށް ބަދަލުވެފައިވާ ކަމަށެވެ.
Ad
މި ތޫފާނަށް ދީފައިވާ ނަމަކީ "ޝަހީން" އެވެ.
ތޫފާން "ޝަހީން" ބާރުގަދަ ދަ ތޫފާނަކަށް ބަދަލުވެ، ކުރިއަށް އޮތް 36 ގަޑިއިރު ތެރޭ ހުޅަނގުހުޅަނގުއުތުރަށް އަދި އޭގެފަހުން ހުޅަނގުހުޅަނގުދެކުނަށް، ގަލްފް އޮމާން އަށް ދަތުރުކޮށް ބާރުދަށްވާނެކަމަށް ލަފާކުރެވޭ ކަމަށް މޫސުމާބެހޭ ގައުމީ އިދާރާއިން ވިދާޅުވެއެވެ.
ނަމަވެސް މި ތޫފާނުގެ އެއްވެސް އަސަރެއް ރާއްޖެއަށް ކުރާނެކަމަކަށް ލަފާ ނުކުރެވޭ ކަމަށް ވެސް އެ އިދާރާއިން ވިދާޅުވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!