ފާއިތުވި ދެ ދުވަހުގެ ތެރޭގައި ތިލަދުންމަތީގެ ފަސް ރަށެއްގައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހިންގާ ޕްރޮޖެކްޓުތައް އެކުންފުނީގެ ސީއީއޯ އާދަމް އާޒިމް ބައްލަވާލައްވައިފިއެވެ.
ތިލަދުންމަތީގެ ޕްރޮޖެކްޓުތައް ހިނގާ ގޮތް ބެއްލެވުމަށް އާޒިމް ކުރެއްވި ދަތުރުފުޅުގައި ފަސް ރަށެއްގެ 10 ޕްރޮޖެކްޓެއްގެ މަސައްކަތް ވަނީ ބައްލަވާލައްވައިފިއެވެ.
އެއީ ހއ. ދިއްދޫ އާއި ހއ. ހޯރަފުއްޓާއި ހއ. އިހަވަންދޫ އާއި ހދ. ކުޅުދުއްފުށި އަދި ހދ. ހަނިމާދޫގައި ކުރިއަށްދާ ޕްރޮޖެކްޓުތަކެވެ.
މި މަސައްކަތްތައް ކުރިއަށްދާ ގޮތް ބެއްލެވުމަށްފަހު އާޒިމް ވަނީ އެ ކުންފުނީގެ މުވައްޒަފުން މިފަދަ ދަނޑިވަޅެއްގައި އަވަދިނެތި ކުރަމުން އަންނަ މަސައްކަތަށް ޝުކުރުއަދާ ކުރައްވައިފަ އެވެ.
CEO @adamazim inspects the progress of Ha. Dhihdhoo Harbor extension project.
During this visit media was also briefed on the latest updates of the project.#MTCCProjects pic.twitter.com/yGPq5rKClC
— MTCC Plc (@MTCCPlc) July 17, 2021
އެމްޓީސީސީން ތިލަދުންމަތީގައި ކުރިއަށްގެންދާ ޕްރޮޖެކްޓުތަކުގެ ތެރޭގައި އިހަވަންދޫ ބަނދަރުގެ މަސައްކަތާއި ފެރީ ޓާމިނަލުގެ މަސައްކަތާއި ހޯރަފުށީ ފެރީ ޓާމިނަލުގެމަސައްކަތާއި ގޮނޑުދޮށް ހިމާޔަތް ކުރުމުގެ މަސައްކަތުގެ އިތުރުން ކުޅުދުއްފުށީ ރީޖަނަލް ހޮސްޕިޓަލުގެ މަސައްކަތް ހިމެނެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!