ނޮޅިވަރަމް "ގިންތި" ދޯނި އަޑިއަށް ގޮސްފި

ވެލި ބަރުކޮށްގެން ދިޔަ ހދ. ނޮޅިވަރަމް “ގިންތި” ދޯނި ދިޔަވެ އަޑިއަށް ގޮސްފި އެވެ.

އެމްއެންޑީއެފް އިން ބުނީ މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށާއި ނަމަވެސް ދޯނީގެ ބޮޑުބައި ވަނީ ހދ. ކުރިނބީ ފަޅު ތެރެއަށް އަޑިއަށް ގޮސްފައި ކަމަށެވެ. މިއީ ހދ. ނޮޅިވަރަމް “ގިންތި” ނަކަމަށް ކިޔާ ދޯންޏެއް ކަމަށާއި މި ހާދިސާގެ މަޢުލޫމާތު ލިބުނީ މިއަދު 11:45 ހާއިރު ކަމަށް އެމްއެންޑީއެފް އިން ބުނެ އެވެ.

އެދޯނީގެ ވެރިއަކު މިނޫހަށް މަޢުލޫމާތުދެމުން ބުނެފައިވަނީ އެދޯނި ކުރިނބީއަށް ވަދެފައިވަނީ ޕަންޕު ހަލާކުވެ ދިޔަވަމުންދާތީ ކަމަށެވެ. ދޯނި ދިޔަވާން ދިމާވީ ނެގިރާޅެއް ދޯނި ތެރެއަށް ބިންދާލުމުންކަމަށްވެސް ބުނެފައިވެއެވެ. މިދޯންޏަކީ ވެލިބަރުކޮށްގެން ނޮޅިވަރަމަށް ދަތުރުކުރަމުން ދިޔަ ދޯންޏެކެވެ.

މިހާރު އެދޯނި ކުރިނބީ ފަޅުތެރެއަށް އަޑިއަށް ގޮސްފައިވާކަމަށް އެފަރާތުން ވަނީ ބުނެފައެވެ. ދޯނީގެ ވެރިފަރާތުން މިހާރު އަންނަނީ ކުރިނބީއަށް ދިއުމަށް ދަތުރު ކުރަމުންނެވެ.

Veli barukohgen 06 meehunnai eku dhathuru kuramun dhiya H.dh Nolhivaram ge "Ginthi" namakah kiyaa dhoanyeh dhiyavaan feshumun, MNDF Northern Area CG Squadron in harakaaiytheri vanee. Mi haadhisaage report libifaivanee miadhu 11:45 haairu pic.twitter.com/Mz4x3n0s1h

— Maldives National Defence Force (@MNDF_Official) October 3, 2020

މިހާދިސާ ހިނގި ވަގުތު ދޯނިގައި 6 މީހަކު ހުރިކަމަށްވެސް ވަނީ މައުލޫމާތު ލިބިފައެވެ.