ޖަޕާނު ސަރުކާރުން ރާއްޖެއަށް ހިލޭ އެހީގެ ގޮތުގައި ދިން ތަކެތި މޯލްޑިވްސް ނެޝްނަލް ޑިފެންސް ފޯސް (އެމްއެންޑީއެފް) ގެ ކޯސްޓު ގާޑުން ހދ. ކުޅުދުއްފުށި ސިޓީއަށް ގެންގޮސްދީފިއެވެ.
ޖަޕާނު ސަރުކާރުން ރާއްޖެއަށް ހިލޭ އެހީގެ ގޮތުގައި ދިން ތަކެތީގެ ތެރެއިން ކުޅުދުއްފުށްޓަށް ގެންގޮސްދީފައިވަނީ ޕޮލިޔުޝަން ރެސްޕޮންސް އަށް ބޭނުންވާ ސާމާނެވެ. މި ސާމާނާކީ މި ސަރަހައްދުގައި ތިމާވެއްޓަށް ދިމާވެދާނެ ކަމަކުން ސަލާމަތްވުމަށް ފުރަތަމަ ބޭނުންކުރާނެ ސާމާނެވެ.
ކޯސްޓުގާޑުން މަޢުލޫމާތު ދޭ ގޮތުގައި، މިހާރު ޖަޕާނު ސަރުކާރުން މި މަސައްކަތަށް ހަދިޔާކޮށްފައިވާ ހުރިހާ ސާމާނެއް ކުޅުދުއްފުށްޓަށް ވަނީ ގެންގޮސްދީފައެވެ.
MNDF Coast Guard has completed the transfer of the first set of Pollution Response items gifted by the Government of Japan, to Kulhudhuffushi. These items will be utilized to protect the regional environment in the event of a marine pollution incident. pic.twitter.com/JA2rOYNGoO
— Maldives National Defence Force (@MNDF_Official) October 2, 2020
ޖަޕާނު ސަރުކާރުން މިދިޔަ އޮގަސްޓު މަހުވަނީ، ރާއްޖޭގެ ދަރިވަރުންނަށް އަމާޒުކޮށް މަތީތަޢުލީމު އުނގެނުމަށް ހިލޭ އެހީގެ ގޮތުގައި ސްކޮލާރޝިޕްތަކެއްވެސް ދީފައެވެ. އަދި މިދިޔަ ހަފްތާގެ ތެރޭގައި ޖަޕާނު ސަރުކާރުން ވަނީ ރާއްޖެއަށް ފަސް ބިލިޔަން ޔެންގެ އެހީވެސް ދީފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!