ތ. ވޭމަންޑޫ "ދިރުން-4" ކިޔާ މަސް ދޯންޏެއް ބިންދައިގެން ގޮސްގެން އެމްއެންޑީއެފްގެ ސެންޓްރަލް އޭރިއާއިން ހަރަކާތްތެރިވަމުން ދާ ކަމަށް އެމްއެންޑީއެފުން ބުނެފިއެވެ.
ތ. ކިނބިދޫއާއި 4 ނޯޓިކަލް މޭލު ބޭރުން 13 މީހުނާއެކު ދަތުރު ކުރި މި މަސްދޯނި ބިންދައިގެން ދިޔަ ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
އެމްއެންޑީއެފުން ބުނީ އެ ދޯނީގައި ތިބީ 11 ދިވެހިންނާއި ދެ ބިދޭސީއެއް ކަމަށާއި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާއިރު ކޯސްޓްގާޑުން އެ ސަރަހައްދުގައި ހަރަކާތްތެރިވަމުން ގެންދާ ކަމަށެވެ.
އެ ދޯނި ބިންދައިގެން ދިޔަ ނަމަވެސް އަޑިކަށް ނުދެ އެވެ. އެހެންވެ ފަޅުވެރިން ތިބީ ދޯނި މަތީގަ އެވެ.
13 falhuverinnaa eku Th.Kinbindhoo ge hulha’ngu dhekunun 4nm beyrun dhathurukuri “Dhirun-4” namakah kiyaa 91 feet ge mas dhoanyeh bindhaigen gosgen MNDF Central Area in harakaaiytheri vaan fashaifi. Haadhisaage mauloomaathu MNDF CG MRCC ah libifai vanee miadhu 07:10 haairu. pic.twitter.com/hDKe6dEHhS
— Maldives National Defence Force (@MNDF_Official) July 8, 2020
ބިންދައިގެން ދިޔަ މި މަސްދޯންޏަކީ 91 ފޫޓުގެ މަސްދޯންޏެކެވެ. މިހާދިސާ އެމްއެންޑީއެފަށް ރިޕޯޓް ކޮށްފައި ވަނީ މިއަދު ހެނދުނު 7:10 ހާއިރުއެވެ.
އެ ދޯނީގެ ވެރިފަރާތުން މިހާރު ގެންދަނީ ދޯނި ކަފު ޖަހާނެ އުޅަނދެއް ހޯދުމުގެ މަސައްކަތް ކުރަމުން ކަމަށް އެމްއެންޑީއެފުން ވަނީ މަޢުލޫމާތު ދެއްވާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!