ރާއްޖޭގައި އަމިއްލައަށް ވެންޓިލޭޓަރެއް އުފެއްދި އެންމެ އުމުރުން ހަގު ޒުވާނާގެ ގޮތުގައި ދިވެހި ތާރީޚުގެ ތެރެއިން ފަޚުރުވެރި ޖާގައެއް ހޯދާފައިވާ ށ. ގޮއިދޫއަށް އުފަން، އުމުރުން 19 އަހަރުގެ އަޙްމަދު އަޝްހަމަށް ފެނަކަ ކޯޕަރޭޝަން ލިމިޓެޑް (ފެނަކަ)ގެ މެނޭޖިންގ ޑިރެކްޓަރު އަހުމަދު ސައީދު ފޯނު ގުޅުއްވައި، މަރުހަބާ ދަންނަވައި އެކުންފުނިން ވަޒީފާގެ ފުރުޞަތު ހުށަހަޅުއްވައިފިއެވެ.
ފެނަކައިން މިއަދު ބުނީ ވެލްޓިލޭޓަރެއް އުފެއްދި އުމުރުން 19 އަހަރުގެ އަޙްމަދު އަޝްހަަމަށް އެ ކުންފުނީގެ އެމްޑީ އަހުމަދު ސައީދު ގުޅުއްވައި އެ ހުނަރުވެރި މަސައްކަތަށް މަރުޙަބާ ދެންނެވި ކަމަށެވެ. އަދި މުސްތަގުބަލަށް ހިތްވަރުދެއްވައި ފެނަކައިން ވަޒީފާގެ ފުރުޞަތު އެރުވިކަމަށެވެ.
ރާއްޖޭގެ އެކި ކަންކޮޅުތަކުގައި ތިބި ހުނަރުވެރި ގާބިލު ޒުވާނުންނަށް ފެނަކައިން ފަހި ފުރުޞަތުތައް އޮންނާނެ ކަމަށްވެސް ފެނަކައިން ވަނީ ބުނެފައެވެ.
Ventilator eh ufehdhi 19 aharuge Ahmed Ashham ah MD Ahmed Saeed foanun gulhuhvai, mi hunaruveri masahkathah maruhabaa dhannavaifi. Adhi musthaqbalah hiyyvarudhevvai, Fenaka Corporation in vazeefaage furusathu eruvvi. (1/2) pic.twitter.com/4gUDHQjQNo
— Fenaka Corporation Ltd (@TeamFenaka) June 5, 2020
ސީއެޗްއެސްއީން މިދިޔަ އަހަރު ގްރޭޑް 12 ނިންމާ މިވަގުތު ރަށުގައި އުޅެމުން އަންނަ އަޝްހަމް ވަނީ ގާތްގަނޑަކަށް 10 ކިލޯގްރާމްގެ ބަރުދަނުގެ ވެންޓިލޭޓަރެއް 7 ދުވަސް ތެރޭގައި ހަދާފައެވެ. އަޝްހަމް ބުނީ އެ ވެންޓިލޭޓަރު ހަދިޔާކުރާނީ އެރަށު ސިއްޙީ މަރުކަޒަށްކަމަށް ކަމަށެވެ.
ދިވެހިރާއްޖޭގެ ނައިބު ރައީސް ފައިޞަލް ނަސީމްވެސް ވަނީ ފޯނުން ގުޅުއްވައި އަޝްހަމަށް ހިތްވަރު ދެއްވާފައެވެ. އަދި ޕްރޮފެސަރ އުގައިލުވެސް ވަނީ އަޝްހަމަށް ގުޅުއްވައި ހިތްވަރު ދެއްވާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!