ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ އިންޖީނު ރޫމުގައި ހިނގި އަލިފާނުގެ ހާދިސާއެއް އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ކޮންޓްރޯލް ކޮށްފިއެވެ.

އެމްއެންޑީއެފްއިން މަޢުލޫމާތު ދިންގޮތުގައި މި ހާދިސާ ހިނގާފައިވަނީ ސްޓެލްކޯ އިންޖީނު ރޫމު ތެރޭގައި ހުރި މެއިން އިންޖީނެއްގެ ދުން ހޮޅީގައި ރޯވެގެންނެވެ.

Ad
rt

މި ހާދިސާގެ މަޢުލޫމާތު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބިފައިވަނީ މިއަދު ހެނދުނު 06:19 ހާއިރުއެވެ.

މަޢުލޫމާތު ލިބުމާއެކު، ފަޔަރ ފައިޓަރުން ވަނީ ވަގުތުން އެ އެތަނަށް ގޮސް އަލިފާން ނިއްވުމުގެ މަސައްކަތް ފަށާފައެވެ.

ފަޔަރ ފައިޓަރުންގެ ހަލުވި އަދި ފަންނީ މަސައްކަތުގެ ނަތީޖާއެއްގެ ގޮތުން، އަލިފާން މުޅިން ނިއްވާލެވިފައިވަނީ 06:30 ހާއިރުގައެވެ. މިއީ ހާދިސާގެ މަޢުލޫމާތު ލިބުނުތާ 11 މިނެޓްގެ ތެރޭގައެވެ.

މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވާކަމަށް އެމްއެންޑީއެފުން ބުންޏެވެ.