މޯލްޑިވްސް މޭކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) މެނޭޖިން ޑިރެކްޓަރުގެ މަޤާމުން ފާތިމަތު ތައުފީޤު (ކުޑީ) ވަކިކޮށްފިއެވެ.

ކުޑީ އެ މަޤާމުން ވަކިކޮށްފައިވާއިރު، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ން އަދި އެކަމެއް ހާމައެއް ނުކުރެއެވެ.

Ad
rt

އޭނާ އެ މަގާމަށް އައްޔަން ކުރެއްވީ މިދިޔަ ޑިސެމްބަރު މަހުގެ 17 ގައެވެ.

އެމްއެމްޕީއާރުސީގެ އެމްޑީކަމުން ކުޑީ ވަކިކޮށްފައި މަވަނީ، އެކުންފުނީގެ ޗެއާޕާސަންގެ މަގާމު ފުރުއްވަމުން ގެންދެވި އައިޝާ ނޫރްޢައިން ޖަނާހު އެ މަގާމުން އިއްޔެ އިސްތިއުފާދެއްވާފައި ވަނިކޮށެވެ.

މީގެ އިތުރުން އެމްއެމްޕީއާރުސީގެ ބޯޑުގައި މަޓީ ތަމްސީލް ކުރައްވާ މެންބަރު ރާފިލް މުހައްމަދު ވެސް މިދިޔަ މަހު ވަނީ އިސްތިއުފާ ދެއްވައިފައެވެ.