ތިލަދުންމަތީ އުތުރުބުރީ ވަށަފަރު ކައުންސިލްގެ ރަސްމީ ލޯގޯއާއި ދިދަ އަދި ޓީޝާޓް ފަރުމާކޮށްދޭނެ ފަރާތެއް ހޯދުމަށް އިއުލާން ކޮށްފިއެވެ.
އެ ކައުންސިލުގެ ލޯގޯ ފަރުމާކުރުމުގެ މަގުސަދުތަކުގެ ތެރޭގައި ހިމެނެނީ ކައުންސިލުން ބާއްވާ މުބާރާތްތަކާއި ބައިވެރިވާ ހަރަކާތްތަކާއި އެކިއެކި ރަސްމިއްޔާތި ތަކުގައި އަދި ރަސްމީ ލިޔެކިޔުންތަކުގައި ބޭނުން ކުރުމަށް އެ ކައުންސިލު ރަމްޒުކޮށްދޭނެ ލޯގޯއެއް އޮތުމެވެ.
ލޯގޯ ހުށަހަޅަން ބޭނުންވާ ފަރާތްތަކުން އެކަމާއި ގުޅޭ މައުލޫމާތު ޝީޓުގައި ހިމެނޭ ކަންކަން ފުރިހަމަ ކުރުމަށްފަހު މި މަހު 28 ވަނަ ދުވަހުގެ 13:00 ގެ ކުރިން މެއިލް ކުރެއްވުމަށް އެ ކައުންސިލުން އެދެއެވެ. މެއިލް ކުރައްވާނީ info@vashafaru.gov.mv މި އެޑްރެހަށެވެ.
ހުށަހަޅާ ލޯގޯ ތަކުގެ ތެރެއިން ހޮވޭ އެންމެ ރަނގަޅު ލޯގޯއަކަށް 5,000 (ފަސްހާސް) ރުފިޔާގެ ފައިސާގެ އިނާމެއް ދިނުމަށް އެ ކައުންސިލުން ވަނީ ކަނޑައަޅާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!