ޖުމްހޫރީ ޕާޓީ (ޖޭޕީ)ގެ ރިޔާސީ ކެންޑިޑޭޓް، މާމިގިލި ދާއިރާގެ ޤާސިމް އިބްރާޙީމްގެ ރަސްމީ ކެމްޕޭން އެޖެންޓެއްގެ ގޮތުގައި އެ ޕާޓީގެ ކުރީގެ ރައީސް ޢަލީ ވަހީދު މިއަދު ހަމަޖައްސައިފިއެވެ.
ޤާސިމްގެ ރަސްމީ ކެމްޕޭން އެޖެންޓެއްގެ ގޮތުގައި ޢަލީ ވަޙީދު ހަމަޖެއްސިކަން ހާމަކުރެއްވީ ޤާސިމްގެ ސްޕެޝަލް އެޑްވައިޒަރ، ވިލިމާލޭ ދާއިރާގެ ކުރީގެ މެންބަރު އަހްމަދު ނިހާން ހުސައިން މަނިކު މިއަދު ކުރެއްވި ޓްވީޓެއްގައެވެ.
ޢަލީ ވަހީދު އެ މަގާމަށް ހަމަޖެއްސުމުގެ ކުރިން އިއްޔެ އޭނާ ވަނީ ޤާސިމްގެ ސްޕެޝަލް އެޑްވައިޒަރގެ މަޤާމަށް ވެސް ހަމަޖައްސާފައެވެ.
2023 ރިޔާސީ އިންތިޚާބުގައި ޖުމްހޫރީ ޕާޓީގެ ކެނޑިޑޭޓް އޮނަރަބަލް ޤާސިމް އިބްރާހީމްގެ ރަސްމީ ކެންޕޭން އެޖެންޓަކީ، ޖޭޕީގެ ކުރީގެ ރައީސް އަދި ކުރީގެ ޓުވަރިޒަމް މިމިސްޓަރ އޮނަރަބަލް @ali20waheed ޢަލީ ވަހީދެވެ. މި މަޤާމް ޢަލީ ވަހީދާއި ހަވާލުކޮށްދެއްވީ ޕާޓީ އޮފީހުގައި މިއަދު އޮތް… pic.twitter.com/uzO7MaFpqm
— Ahmed Nihan (@ahmed_nihan) August 3, 2023
ޤާސިމްގެ ރަނިން މޭޓެއް ކަނޑައެޅުމުގެ އިޚްތިޔާރު އިއްޔެ ޖޭޕީގެ ކައުންސިލުން ޤާސިމަށް ދީފައިވާއިރު، ޤާސިމްގެ ކެމްޕޭން މެނޭޖަރުންގެ ގޮތުގައި ވަނީ ދެ ބޭފުޅަކު ކުރިން ހަމަޖައްސާފައެވެ.
Alhamdhulillaahi.
Qaumee candidate Hon @qasimibrahim ge Inthikhaabee agent kamaa mi havaaluvee qaumee massaiykathehge gothugai dhekigen. Allah iraadhafulhun dhivehi rayyithun edheyfadha ogaatheri dynamic verikameh dhivehinnah hoadhaidheyn massaiykaiy kuraanan.#QaumeeCandidate pic.twitter.com/7KHnswSrmS— Ali Waheed (@ali20waheed) August 3, 2023
މިގޮތުން އުތުރު މެނޭޖަރަކަށް އެ ޕާޓީގެ ޑެޕިއުޓީ ލީޑަރ ޑރ. އަމީން އިބްރާޙީމް ހަމަޖައްސާފައިވާއިރު ދެކުނު މެނޭޖަރަކަށް ހަމަޖައްސާފައި ވަނީ ޤާސިމްގެ ސްޕެޝަލް އެންވޯއީ އިލްޙާމް އަޙްމަދެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!