ނ. މަގޫދޫ އާއި ލ. ކަލައިދޫގެ ބައި-އިލެކްޝަން، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ކާމިޔާބުކޮށްފި އެވެ.

މިއަދު ބޭއްވި ބައި-އިލެކްޝަން ގައި އެ ދެރަށުގެ ތެރެއިން ނ. މަގޫދޫ ކައުންސިލުގެ އަންހެން މެންބަރު އިންތިޚާބު ކުރުމަށް ބޭއްވި ބައި- އިލެކްޝަން ޕީޕީއެމް އިން ކާމިޔާބުކުރީ 9 ވޯޓުގެ ތަފާތަކުން ނެވެ.

Ad
rt

އެގޮތުން ޕީޕީއެމް އިން ވާދަކުރެއްވި އާމިނަތު ޔުމްނާ އަބްދުލްޣަނީ އަށް 124 ވޯޓު ލިބިވަޑައިގެންނެވިއިރު، އެމްޑީޕީ އިން ވާދަކުރެއްވި ފަރީދާ އަދްނާނަށް ލިބިވަޑައިގެންނެވީ 115 ވޯޓެވެ.

މީގެ އިތުރުން ކަލައިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަން ޕީޕީއެމް އިން ކާމިޔާބުކުރީ 4 ވޯޓުގެ ތަފާތަކުން ނެވެ. ޕީޕީއެމްގެ ކެނޑިޑޭޓް އައިޝަތު ޝާފިޔާ އަށް 197 ވޯޓު ލިބިވަޑައިގެންވިއިރު، އެމްޑީޕީގެ ކެންޑިޑޭޓް، ހުވައިލަތު ރަހީމާ އަށް ލިބިވަޑައިގެންނެވީ 192 ވޯޓެވެ.

މިއަދު ބޭއްވި މި ބައި-އިލެކްޝަންތަކުގެ ވޯޓުލުން ކުރިޔަށްދިޔައީ ހެނދުނު 8:00 ން ހަވީރު 4:00 އަށް މަގޫދޫ ސުކޫލާއި ކަލައިދޫ ސުކޫލުގަ އެވެ. އަދި މާލޭގައި ދިރިއުޅޭ އެ ދެ ދާއިރާގެ ރައްޔިތުން، ވޯޓުލުން ކުރިޔަށް ގެންދިޔައީ އިމާދުއްދީނު ސުކޫލުގަ އެވެ.