އދ. އިން ބޭއްވި މަގުމަތީގެ ރައްކާތެރިކަމާ ގުޅޭ މަތީ ފަންތީގެ ބައިނަލްއަޤްވާމީ ބައްދަލުވުމެއްގައި ޓްރާންސްޕޯޓް މިނިސްޓަރު ޢާއިޝަތު ނަހުލާ ތަގުރީރު ކުރައްވައިފިއެވެ.
އދ.ގެ ގްލޯބަލް ރޯޑް ސޭފްޓީއާ ގުޅޭ ހައިލެވަލް ބައްދަލުވުމުގައި ތަޤުރީރު ކުރައްވަމުން މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން އާއިޝަތު ނަހުލާ ވިދާޅުވީ ރާއްޖޭގައި މަގުމަތީގެ އެކްސިޑެންޓްތަކުގައި މަރުވާ މީހުންނާއި، އަނިޔާލިބޭ މީހުންގެ އަދަދު 2030 ވަނަ އަހަރު އަންނަން ވާއިރަށް ފަންސާސް އިންސައްތަ ދަށްކުރުމަކީ އަމާޒެއް ކަމަށެވެ.
ނަހުލާ ވިދާޅުވީ އެކްސިޑެންޓްތައް މަދުކޮށް، މަގުމައްޗަކީ އަމާން ތަނެއްގެ ގޮތުގައި ބޭއްވުމަށް ޤަވައިދާ އެއްގޮތަށް ފަރުވާތެރިކަމާއެކު ދުއްވުމުގެ އިތުރަށް ކަނޑައެޅިފައި ސްޕީޑަށްވުރެ ބާރަށް ނުދުއްވުން މުޙިއްމު ކަމަށެވެ.
މީގެއިތުރުން މަގުމަތީގައި ހިނގާ ނުރައްކާތެރި ހާދިސާތައް މަދުކޮށް އަނިޔާލިބޭ މީހުންނާއި މަރުވާ މީހުންގެގެ އަދަދުތައް މަދުކުރުމުގައި އެކި ދާއިރާތަކުގެ އެއްބާރުލުން ބޭނުންވާކަން މިނިސްޓަރު ފާހަގަ ކުރެއްވިއެވެ.
Honoured to participate in the HLM on Improving Global #RoadSafety convened by @UN_PGA @abdulla_shahid.
Conveyed strong support of #Maldives towards Global Plan for Decade of Action for Road Safety, generating political will and momentum to make our roads safer. pic.twitter.com/Ja0KbH6ezz
— Aishath Nahula (@aishath_nahula) June 30, 2022
މި ބައްދަލު ވުމުގައި ތަޤުރީރު ކުރައްވަމުން މިނިސްޓަރު ވަނީ މަގުމަތީގެ ރައްކާތެރިކަން ކަށަވަރު ކުރުމަށް ގައުމުތަކުން ކުރާ މަސައްކަތްތަކަށް ރާއްޖެއިން އެއްބާރުލުން ދެއްވާނެ ކަމަށް ވިދާޅުވެފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!