އެނބޫދޫ ފިނޮޅު ކައިރީގައި އޮތް ތެޔޮ ބޯޓެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔާ އެންޑް ރެސްކިއުއިން ހަރަކާތްތެރިވާން ފަށައިފި އެވެ.
އެމްއެންޑީއެފްއިން ވިދާޅުވީ އެ ހާދިސާގެ ރިޕޯޓު ލިބުނީ މިއަދު 17:50 ހާއިރު ކަމަށެވެ.
އެމްއެންޑީއެފްގެ އިންފޮމޭޝަން އޮފިސަރު، މޭޖާ އިބްރާހިމް އާޒިމް ވިދާޅުވީ އެ ބޯޓުގައި ތިބީ ހަތަރު މީހުން ކަމަށެވެ. އެއީ ތިން ދިވެހީންނާއި ބިދޭސީ އެކެވެ.
ރޯވި އިރު، ބޯޓުގައި 60،000 ލީޓަރުގެ ޑީސަލް ހުރި ކަމަށް އާޒިމް ވިދާޅުވި އެވެ. ބޯޓުގައި ރޯވީ ތެޔޮ ބަރުކޮށްގެން، މާލެ އިން ލ. އަތޮޅަށް ދަތުރުކުރަމުން ދަނިކޮށެވެ.
#Update: Theyo boat gai roavi alifaan nivvumumah, MNDF Fire & Rescue Services ge firefighters masakkaiy kuramun dhanikoh 18.27 haairu boat adiayah hingajje. pic.twitter.com/K0Oju8wmQ2
— Maldives National Defence Force (@MNDF_Official) April 10, 2021
އެދޯނީގައި ތިބި 4 މީހުން ސަލާމަތް ކޮއްފައިވަނީ ކާނި ހޮޓެލްގެ ލޯންޗް އަކުންނެވެ. އެގޮތުން ކާނި ހޮޓެލްސްގެ ވެރިޔާ، އަބްދުﷲ ނަޝީދު ކުރެއްވި ޓުވީޓެއްގައި ވިދާޅުވީ، ރޯވި ބޯޓުގެ ފަޅުވެރިން ކަނޑުވެފައި ތިއްބާ އެ ހޮޓަލުގެ ލޯންޗަކުން އެމީހުން ސަލާމަތްކޮށްފައިވާ ކަމަށެވެ. އެމީހުން މިހާރު ވަނީ މާލެ ގެނެސްފަ އެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!