ކޮވިޑް-19: އަނެއްކާވެސް ބަލި ޖެހުނު މީހުންގެ ޢަދަދަށް ލައްކައެއް އިތުރުވެއްޖެ!

ޝިއުނާ އާދަމް 31 މާރިޗު 2020 16:17

ޚުލާޞާ

ހަލުވިކަމާއިއެކު ފެތުރެމުންދާ ކޮވިޑް-19 ނުވަތަ ކޮރޯނާ ވައިރަސް ދުނިޔޭން ޖެހުނު މީހުންގެ ޢަދަދު 8 ލައްކަ އަށްވުރެ އިތުރު ވެއްޖެއެވެ. ދުނިޔޭގެ ރިޕޯޓުތައް ބުނާގޮތުން ދުނިޔޭގެ އެކި ބައްރު ތަކުން ކޮވިޑް-19 ބަލި މިހާތަނަށް 800،023 މީހުންނަށް ވަނީ ޖެހިފައިއެވެ. އެބަލި ޖެހުނު މީހުން ކުރެ 169،993 މީހުން ރަނގަޅު ވެފައިވާއިރު، އެބަލީގައި 38،748 މީހުންވަނީ މަރުވެފައިއެވެ. ކޮވިޑް-19 ،31 މާރިޗް 2020، ދިވެހިރާއްޖެ ގަޑި، ހަވީރު 16:15 (މައުލޫމާތު ހިމެނި ތާރީޚާއި ވަގުތު) ޕޮޒިޓީވް މީހުންގެ […]

ހަލުވިކަމާއިއެކު ފެތުރެމުންދާ ކޮވިޑް-19 ނުވަތަ ކޮރޯނާ ވައިރަސް ދުނިޔޭން ޖެހުނު މީހުންގެ ޢަދަދު 8 ލައްކަ އަށްވުރެ އިތުރު ވެއްޖެއެވެ.

ދުނިޔޭގެ ރިޕޯޓުތައް ބުނާގޮތުން ދުނިޔޭގެ އެކި ބައްރު ތަކުން ކޮވިޑް-19 ބަލި މިހާތަނަށް 800،023 މީހުންނަށް ވަނީ ޖެހިފައިއެވެ. އެބަލި ޖެހުނު މީހުން ކުރެ 169،993 މީހުން ރަނގަޅު ވެފައިވާއިރު، އެބަލީގައި 38،748 މީހުންވަނީ މަރުވެފައިއެވެ.

ކޮވިޑް-19 ،31 މާރިޗް 2020، ދިވެހިރާއްޖެ ގަޑި، ހަވީރު 16:15 (މައުލޫމާތު ހިމެނި ތާރީޚާއި ވަގުތު)

ޕޮޒިޓީވް މީހުންގެ ޢަދަދު: 800،023 މީހުން
މަރުވި މީހުންގެ ޢަދަދު: 38،748 މީހުން
ރަނގަޅުވި މީހުންގެ ޢަދަދު: 169،993 މީހުން

ކޮވިޑް-19 ޖެހޭ ނިސްބަތް އިތުރުވަމުން ދާ ގޮތް

2020 ޖެނުއަރީ 19، 100 މީހުން
2020 ޖެނުއަރީ 24، 1،000 މީހުން
2020 ފެބްރުއަރީ 12، 50،000 މީހުން
2020 މާރިޗް 6، 100،000 މީހުން
2020 މާރިޗް 18، 200،000 މީހުން
2020 މާރިޗް 21، 300،000 މީހުން
2020 މާރިޗް 24، 400،000 މީހުން
2020 މާރިޗް 28، 600،000 މީހުން
2020 މާރިޗް 29، 700،000 މީހުން
2020 މާރިޗް 31، 800،000 މީހުން

ކޮވިޑް-19 އެންމެ ގިނަ މީހުންނަށް ޖެހިފައިވާ 10 ޤައުމު ،31 މާރިޗް 2020، ދިވެހިރާއްޖެ ގަޑި، ހަވީރު 16:15 (މައުލޫމާތު ހިމެނި ތާރީޚާއި ވަގުތު)

އެމެރިކާ 164،359 މީހުން
އިޓަލީ 101739 މީހުން
ސްޕޭން 94،417 މީހުން
ޗައިނާ 81،518 މީހުން
ޖަރުމަން 67،051 މީހުން
އީރާން 44605 މީހުން
ފްރާންސް 44550 މީހުން
ޔޫކޭ 22141 މީހުން
ސްވިޒަލޭން 16،176 މީހުން
ބެލްޖިއަމް 12775 މީހުން

ކޮވިޑް-19 ޖެހިގެން އެންމެ ގިނަ މީހުން މަރުވި 10 ޤައުމު ،31 މާރިޗް 2020، ދިވެހިރާއްޖެ ގަޑި، ހަވީރު 16:15 (މައުލޫމާތު ހިމެނި ތާރީޚާއި ވަގުތު)

އިޓަލީ 11،591 މީހުން
ސްޕޭން 8،189 މީހުން
ޗައިނާ 3،305 މީހުން
އެމެރިކާ 3،173 މީހުން
ފްރާންސް 3،024 މީހުން
އީރާން 2،898 މީހުން
ޔޫކޭ 1408 މީހުން
ނެދަލޭންޑް 864 މީހުން
ބެލްޖިއަމް 705 މީހުން
ޖަރުމަން 650 މީހުން

ދުނިޔޭގައި މިބަލި ބާރުމިނެއްގައި މިބަލި ފެތުރޭ ބައެއް ޤައުމުތަކުގެ ބައްޔާއި ގުޅޭ އެންމެ ފަހުގެ މަޢުލޫމާތު އަދި މިއަދު އަޕްޑޭޓްވެފައި ނުވާތީ، މިރެޔާއި ހަމައަށް މިޢަދަދުތަކެއް ބޮޑު ބަދަލެއް އައުންވެސް އެކަށީގެން ވެއެވެ.

ދުނިޔޭގައި އެންމެ ބާރަށް މިހާރު މިބަލި ފެތުރެނީ އެމެރިކާގައިއެވެ. އެމެރިކާ ފިޔަވައި އެންމެ ބާރަށް މިބަލި ފެތުރެމުން ދަނީ ޔޫރަޕް ބައްރުގައެވެ. އިޓަލީ ވިލާތުގެ އިތުރުން، ސްޕޭން، ޖަރުމަނު ވިލާތް، ފުރާންސް، ސްވިޒަލޭންޑް، އިނގިރޭސިވިލާތް، ނެދަލެންޑް، ސްވިޑަން، ބެލްޖިއަމް، އޮސްޓްރިއާ، ނޯވޭ، ރޫމޭނިއާ އަދި ޑެންމާކް ފަދަ އެތައް ޔޫރަޕްގެ ޤައުމެއްގައި ހަލުވިކަމާއިއެކު މިބަލި ދަނީ ފެތުރެމުންނެވެ.

އޭގެ އިތުރުން ދުނިޔޭގެ އެކި ބައްރު ތަކުން އީރާން، އޮސްޓްރޭލިއާ، ތުރުކީވިލާތް، ޗިލީ، ސައުތުއެފްރިކާ، އިސްރާއީލް، އިންޑޮނެޝިއާ، މެލޭސިޔާ، ފިލިޕީންސް، ތައިލެންޑް، ރަސިއާ އަދި އިކުއެޑޯ ފަދަ ޤައުމުތަކަކީ ބަލި ފެތުރުން ހަލުވިވެފައިވާ ޤައުމުތަކެވެ.

2019 ވަނަ އަހަރު ޑިސެމްބަރުމަހު ފަހުކޮޅު ޗައިނާގެ ވޫހާން ސިޓީގެ މާރުކޭޓަކުން ފެތުރެންފެށި މިވައިރަސް ދުނިޔޭގެ 200 ޤައުމަށާއި، ސަރަހައްދަށް މިހާރު ވަނީ ފެތުރިފައެވެ.