އަންނަ އަހަރު ރާއްޖޭގެ އިގުތިސާދު އިޔާދަވާން ފަށާނެ

ދުނިޔޭގެ ބާޒާރުގައި ތެލުގެ އަގަށް އަންނަ ބަދަލުތަކާއި މެދުއިރުމަތީގެ ހަމަނުޖެހުންތަކުގެ ސަބަބުން މި އަހަރު ރާއްޖޭގެ އިގުތިސާދީ ކުރިއެރުން މަޑުޖެހިފައިވީ ނަމަވެސް، 2027 ވަނަ އަހަރުން ފެށިގެން އިގުތިސާދު އަލުން އިޔާދަވާން ފަށާނެ ކަމަށް އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ވަނީ ލަފާކޮށްފައެވެ.

މިކަން ހާމަކޮށްފައިވަނީ ޕިޔަޕޯން ސޮޑްސްރިވިބޫން އިސްކޮށް ހުންނަވައިގެން އައިއެމްއެފްގެ މިޝަން ޓީމަކުން ޖޫން މަހުގެ 4 އިން 14 އަށް ރާއްޖެއަށް ކުރި ޒިޔާރަތަށްފަހު ނެރުނު ރިޕޯޓެއްގައެވެ.

އައިއެމްއެފްގެ ބަޔާނުގައިވާ ގޮތުން، މެދުއިރުމަތީގެ މަސްރަހު އޮތްގޮތުން ފަތުރުވެރިކަމަށް ކުރި އަސަރާއެކު 2026 ވަނަ އަހަރު ރާއްޖޭގެ ޖީޑީޕީ ކުރިއަރާނެ ކަމަށް ބެލެވެނީ ގާތްގަނޑަކަށް 1 އިންސައްތައަށެވެ. އެހެންނަމަވެސް، 2027 ވަނަ އަހަރުން ފެށިގެން އިގުތިސާދީ ހާލަތު ރަނގަޅުވެ، މެދު ރާސްތާގައި އިގުތިސާދީ ދުވެލި 4 އިންސައްތައިގައި ދެމިހުންނާނެ ކަމަށް ވަނީ އަންދާޒާކޮށްފައެވެ.

ދައުލަތުގެ މާލީ ހާލަތާ ގުޅޭގޮތުން އެ އިދާރާއިން ފާހަގަކުރީ، ދަރަނި އަދާކުރުމުން ވަގުތީ ލުޔެއް ލިބުނު ނަމަވެސް، ފިސްކަލް ޑެފިސިޓާއި ދައުލަތުގެ ޖުމްލަ ދަރަނި އަދިވެސް ހުރީ ނިސްބަތުން މަތީގައި ކަމަށެވެ. އަދި ބޭރުގެ ދަރަނިތައް ދެއްކުމުގައި ހުރި ގޮންޖެހުންތަކާއި ނުރައްކާ އަދިވެސް ބޮޑުކަން އައިއެމްއެފުން ފާހަގަކުރިއެވެ.

އިގުތިސާދީ ދުޅަހެޔޮކަން ކަށަވަރުކުރުމަށްޓަކައި ސަރުކާރުގެ ހަރަދުތައް ކުޑަކުރުމުގެ އިތުރުން އާމްދަނީ އިތުރުކުރަން އިތުރު ފިޔަވަޅުތައް އަޅަންޖެހޭ ކަމަށް އައިއެމްއެފުން ލަފާދެއެވެ. މީގެ ތެރޭގައި ސަބްސިޑީގެ ނިޒާމަށް ބަދަލު ގެނެސް، އެންމެ ބޭނުންޖެހިފައިވާ މީހުންނަށް އެހީތެރިކަން ދިނުމާއި، އިއާދަކުރަނިވި ހަކަތަ ބޭނުންކުރުން އިތުރުކުރުން ހިމެނެއެވެ.

މީގެ އިތުރުން، މަރުކަޒީ ބޭންކް (އެމްއެމްއޭ) އިން އޯޕަން މާކެޓް އޮޕަރޭޝަންތައް އަލުން ފެށުމަށް ނިންމާފައިވާ ނިންމުމަށާއި، ބޭރު ފައިސާގެ ރިޒާވް ވަރުގަދަކުރުމަށް އަޅަމުންދާ ފިޔަވަޅުތަކަށް އައިއެމްއެފުން ވަނީ ތައުރީފުކޮށްފައެވެ.

ދުނިޔޭގެ ބާޒާރުގައި ތެލުގެ އަގަށް އަންނަ ބަދަލުތަކާއި މެދުއިރުމަތީގެ ހަމަނުޖެހުންތަކުގެ ސަބަބުން މި އަހަރު ރާއްޖޭގެ އިގުތިސާދީ ކުރިއެރުން މަޑުޖެހިފައިވީ ނަމަވެސް، 2027 ވަނަ އަހަރުން ފެށިގެން އިގުތިސާދު އަލުން އިޔާދަވާން ފަށާނެ ކަމަށް އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ވަނީ ލަފާކޮށްފައެވެ.

މިކަން ހާމަކޮށްފައިވަނީ ޕިޔަޕޯން ސޮޑްސްރިވިބޫން އިސްކޮށް ހުންނަވައިގެން އައިއެމްއެފްގެ މިޝަން ޓީމަކުން ޖޫން މަހުގެ 4 އިން 14 އަށް ރާއްޖެއަށް ކުރި ޒިޔާރަތަށްފަހު ނެރުނު ރިޕޯޓެއްގައެވެ.

އައިއެމްއެފްގެ ބަޔާނުގައިވާ ގޮތުން، މެދުއިރުމަތީގެ މަސްރަހު އޮތްގޮތުން ފަތުރުވެރިކަމަށް ކުރި އަސަރާއެކު 2026 ވަނަ އަހަރު ރާއްޖޭގެ ޖީޑީޕީ ކުރިއަރާނެ ކަމަށް ބެލެވެނީ ގާތްގަނޑަކަށް 1 އިންސައްތައަށެވެ. އެހެންނަމަވެސް، 2027 ވަނަ އަހަރުން ފެށިގެން އިގުތިސާދީ ހާލަތު ރަނގަޅުވެ، މެދު ރާސްތާގައި އިގުތިސާދީ ދުވެލި 4 އިންސައްތައިގައި ދެމިހުންނާނެ ކަމަށް ވަނީ އަންދާޒާކޮށްފައެވެ.

ދައުލަތުގެ މާލީ ހާލަތާ ގުޅޭގޮތުން އެ އިދާރާއިން ފާހަގަކުރީ، ދަރަނި އަދާކުރުމުން ވަގުތީ ލުޔެއް ލިބުނު ނަމަވެސް، ފިސްކަލް ޑެފިސިޓާއި ދައުލަތުގެ ޖުމްލަ ދަރަނި އަދިވެސް ހުރީ ނިސްބަތުން މަތީގައި ކަމަށެވެ. އަދި ބޭރުގެ ދަރަނިތައް ދެއްކުމުގައި ހުރި ގޮންޖެހުންތަކާއި ނުރައްކާ އަދިވެސް ބޮޑުކަން އައިއެމްއެފުން ފާހަގަކުރިއެވެ.

އިގުތިސާދީ ދުޅަހެޔޮކަން ކަށަވަރުކުރުމަށްޓަކައި ސަރުކާރުގެ ހަރަދުތައް ކުޑަކުރުމުގެ އިތުރުން އާމްދަނީ އިތުރުކުރަން އިތުރު ފިޔަވަޅުތައް އަޅަންޖެހޭ ކަމަށް އައިއެމްއެފުން ލަފާދެއެވެ. މީގެ ތެރޭގައި ސަބްސިޑީގެ ނިޒާމަށް ބަދަލު ގެނެސް، އެންމެ ބޭނުންޖެހިފައިވާ މީހުންނަށް އެހީތެރިކަން ދިނުމާއި، އިއާދަކުރަނިވި ހަކަތަ ބޭނުންކުރުން އިތުރުކުރުން ހިމެނެއެވެ.

މީގެ އިތުރުން، މަރުކަޒީ ބޭންކް (އެމްއެމްއޭ) އިން އޯޕަން މާކެޓް އޮޕަރޭޝަންތައް އަލުން ފެށުމަށް ނިންމާފައިވާ ނިންމުމަށާއި، ބޭރު ފައިސާގެ ރިޒާވް ވަރުގަދަކުރުމަށް އަޅަމުންދާ ފިޔަވަޅުތަކަށް އައިއެމްއެފުން ވަނީ ތައުރީފުކޮށްފައެވެ.