ކޮއްޓެއްގައި ދެ މީހަކު ރަހީނުކުރި މައްސަލައެއް ބަލަމުން އަންނަކަމަށް ފުލުހުން ބުނެފިއެވެ.
މީސްމީޑިއާގައި ވަނީ ދެ މީހަކު ދޫނިކޮށްޓެއްގައި ރަހީނުކޮށްފައި ތިބޭ މަންޒަރު ފެންނަ ވީޑިއޯތަކެއް އާންމުވެފައެވެ.
އެ ވީޑިއޯތަކުގައި ދެ މީހަކު ދޫނިކޮށްޓެއްގައި ބަންދުކޮށްފައި ތިބޭއިރު، ފައިސާގެ މުއާމަލާތެއްގެ ވާހަކަ ދައްކާ އަޑު އެއް ވީޑިއޯއިން އިވެއެވެ. ޓިކްޓޮކްގައި އާންމުކޮށްފައިވާ މި ދެ ވީޑިއޯތަކުގައި ކޮށީގައި ހުންނަ އެކަކު ފައިސާ ހޯދައިދޭނެކަމުގެ ޔަގީންކަން ދޭ އަޑުވެސް އިވެއެވެ.
ފުލުހުން މިއަދު ބުނީ އެ ވީޑިއޯތަކުގެ މައްސަލަ އެ އިދާރާގެ ސަމާލުކަމަށް އައުމުން އެ މައްސަލަ ބަލަމުން އަންނަ ކަމަށެވެ.
މި ވީޑިއޯތަށް ޓިކްޓޮކުން ނަގައި ބައެއް މީހުން ވަނީ ފުލުހުންނާއި ޓެގްކޮށް އެކްސްގައި ޕޯސްޓް ކޮށްފައެވެ.
މައުލޫމާތު ލިބޭ ގޮތުގައި ވީޑިއޯތަކުން ދެމީހުން ބަންދުކޮށްފައި ތިބީ މާލޭ، އާޓިފިޝަލްބީޗުގައި ހުރި ދޫނި ކޮއްޓެއްގައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!