ރާއްޖޭގެ އަންހެން ވޮލީ ޓީމު ފައިނަލަށް

މިއީ ވޮލީ މުބާރާތަކުން އަންހެނުންގެ ގައުމީ ޓީމަށް މެޑަލެއް ކަށަވަރުވި ފުރަތަމަ ފަހަރެވެ.

މި މުބާރާތުގެ ފައިނަލްގެ ޖާގައެއް ޓީމުން ކަށަވަރުކޮށްފައިވަނީ މިއަދު އޮތް މެޗުގައި ތިން ސެޓުން އަފްޣާނިސްތާނުގެ ޓީމް ބަލިކޮށްގެންނެވެ.

އެގޮތުން ރާއްޖޭގެ ޓީމުން ފުރަތަމަ ސެޓް ކާމިޔާބުކުރީ 25-6 އިންނެވެ. ދެވަނަ ސެޓުގައިވެސް ރާއްޖޭގެ ފަރާތުން މޮޅު ކުޅުމެއް ފެނިގެންދިޔައިރު، މި ސެޓު ރާއްޖެއިން ކާމިޔާބުކުރީ 26-7 އިންނެވެ. އަދި ތިންވަނަ ސެޓް ކާމިޔާބުކުރީ 25-8 އިންނެވެ.

އަންނަ ބުދަ ދުވަހު ލީގު ބުރުގެ އެންމެ ފަހު މެޗުގައި ރާއްޖެއިން ވާދަކުރާނީ ނޭޕާލާއި ދެކޮޅަށެވެ. މި މުބާރާތުގެ ފައިނަލަށް ރާއްޖެއިން ދަތުރުކޮށްފައިވަނީ އެއްވެސް މެޗަކުން ބަލިވުމެއް ނެތިއެވެ.

މި މުބާރާތަށް ރާއްޖެއިން ކުރިމަތިލާފައިވަނީ މެޑައްޔަކަށް ޓާގެޓްކޮށްގެންނެވެ.