ވީއެސްއާރްސީ އިން އިންތިޒާމްކޮށްގެން ހދ އަތޮޅުގެ ރަށްތަކަށް ހުޅުވާލައިގެން ބާއްވާ ވޮލީބޯލް މުބާރާތުގެ 2 މެޗު އިއްޔެވެސް ކުޅެފިއެވެ.
ފިނޭ ޒުވާނުންގެ ވޮލީ ކޯޓުގައި އިއްޔެ ހަވީރު ކުޅުނު މެޗުގައި ބައްދަކުރީ ނޮޅިވަރަމްފަރު ސްޕޯޓްސް ކްލަބާއި އާއި ޓީމް ކުޅުދުއްފުއްޓެވެ. މިމެޗު ސީދާ 3 ސެޓުން ކާމިޔާބު ކުރީ ނޮޅިވަރަމްފަރު ސްޕޯޓްސް ކްލަބެވެ. މެޗުގެ ފުރަތަމަ ސެޓު ނޮޅިވަރަމްފަރު ސްޕޯޓްސް ކްލަބް 17-25 އިން ކާމިޔަބު ކުރިއިރު ދެވަނަ ސެޓު ނޮޅިވަރަމްފަރު ސްޕޯޓްސް ކްލަބް އިން ކާމިޔާބުކުރީ 16-25 އިންނެވެ. މެޗުގެ 3 ވަނަ ސެޓު ނޮޅިވަރަމްފަރު ސްޕޯޓްސް ކްލަބްއިން 22-25 އިން ކާމިޔާބުކުރި ނަމަވެސް މިސެޓުގައި ވާދަވެރި ކުޅުމެއް ފެނިގެން ގޮސްފައިވެއެވެ. މި މެޗުގެ މޮޅު ކުޅުންތެރިޔަކަށް ހޮވުނީ ނޮޅިވަރަމްފަރު ސްޕޯޓްސް ކްލަބް ގެ އަލީ ހުޒާމް އެވެ.
މި މުބާރާތުގެ 4 ވަނަ މެޗު ކުޅެފައިވަނީ ރޭގައެވެ. މި މެޗުގައި ބައްދަލުކުރީ ޓީމް ހަނިމާދޫ އަދި ވައިކަރަދޫ ވިޔެސް އެވެ. މިމެޗު 3 ސެޓު 1 ސެޓުން ކާމިޔާބު ކުރީ ޓީމު ހަނިމާދޫ އެވެ. މެޗުގެ ފުރަތަމަ ސެޓު 21-25 އިން ޓީމް ޓީމް ހަނިމާދޫ އިން ކާމިޔާބު ކުރިއިރު ދެ ވަނަ ސެޓުގައި ވިޔެސް އިން ވަނީ ކުޅުން ރަނގަޅު ކޮށްފައެވެ. ދެވަނަ ސެޓު 18-25 އިން ކާމިޔާބުކުރީ ވައިކަރަދޫ ވިޔެސް އެވެ. މެޗުގެ 3 ވަނަ ސެޓު ފަސޭހަކަމާއި އެކު ޓީމް ހަނިމާދޫ އިން ކާމިޔާބު ކުރީ 12-25 އިން ނެވެ. މެޗުގެ 4 ވަނަ ސެޓު 18-25 އިން ކާމިޔާބު ކޮށް މެޗު ކާމިޔާބުކުރީ ޓީމް ހަނިމާދޫ އިންނެވެ. މި މެޗުގެ މޮޅު ކުޅުންތެރިޔަކަށް ހޮވިފައިވަނީ ޓީމު ހަނިމާދޫގެ ސޯދިޤު މޫސަ އެވެ.
މި މުބާރާތުގެ 2 މެޗު މިއަދުވެސް ކުޅުމަށް ވަނީ ހަމަޖެހިފައެވެ. މިއަދު ހަވީރު 16:00 ގައި ކުޅޭ މެޗުގައި ބައްދަލުކުރާނީ ޓީމް ފިނޭ އަދި ޓީމް ނޮޅިވަރަމް އެވެ. މިރޭ ކުޅޭ މެޗުގައި ބައްދަލުކުރާނީ ޓީމް ކުޅުދުއްފުށި އަދި ވައިކަރަދޫ ވިޔެސް އެވެ.
މުބާރާތުގެ މެޗުތަށް ވީއެސްއާރްސީ ގެ ފޭސްބުކް ޕޭޖު އިން ދަނީ ލައިވް ކުރަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!