ކުޑަ ކުއްޖަކަށް ޖިންސީ ގޯނާކުރި މައްސަލައެއް އަނެއްކާވެސް ފެންމަތިވެއްޖެއެވެ.
ފުލުހުން ބުނީ މިމައްސަލަ ފެންމަތިވެފައިވަނީ ހުވަދު އަތޮޅުން ކަމަށެވެ. ފުލުން ބުނެފައިވަނީ 14 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް މި މަހުގެ 12 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ. އެ މައްސަލާގައި އަދި މީހަކު ހައްޔަރުކޮށްފައެއް ނުވެއެވެ.
އެ މައްސަލަ ޖެންޑަރ މިނިސްޓްރީ އާ ގުޅިގެން ބަލަމުން އަންނަ ކަމަށް ފުލުހުން ބުނެއެވެ.
ހުވަދޫ އަތޮޅުން މިފަދަ މައްސަލައެއް ފެންމަތިވި އިރު އައްޑޫގައި ވެސް ކުޑަކުއްޖަކަށް ޖިންސީ ގޯނާކުރި މައްސަލައެއް ފެންމަތިވެ މިހާރު ވަނީ އެމީހާ ހައްޔަރުކޮށްފައެވެ. އެ މައްސަލާގައި ހައްޔަރުކޮށްފައި ވަނީ ފުލުހެކެވެ. އެނގިފައިވާ ގޮތުގައި އެމީހާ އައީ ކުއްޖާގެ އުމުރުން 14 އަހަރުން ފެށިގެން 16 އަހަރު ވަންދެން ބިރުދައްކާ ޖިންސީ ގޯނާކުރަމުންނެވެ.
ފުލުހުން ބުނީ ކުޑަކުދިންނަށް ޖިންސީ ގޯނާކުރުމުގެ މައްސަލަތައް ވަރަށް ސީރިއަސް މައްސަލައިގެ ގޮތުގައި ބަލާ ކަމަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!