ހއ. ބާރަށަށް ދިމާވެފައިވާ ކަރަންޓުގެ މައްސަލަ ހައްލު ކުރަން ފެނަކަ ކޯޕަރޭޝަނުން އެ ރަށަށް 448 ކިލޯވޯޓުގެ ޖަނަރޭޓަރެއް ގެންގޮސްފިއެވެ.

ފެނަކައިން އެ ރަަށް މި ޖަނަރޭޓަރު ގެންދިޔައީ މިދިޔަ ހުކުރު ދުވަހުއެވެ.

Ad
rt

މި ޖަނަރޭޓަރާއެކު މެދުކެނޑުމެއްނެތި އެ ރަށުުގެ ރައްޔިތުންނަށް ކަރަންޓުގެ ހިދުމަތް ލިބޭނެ ކަމަށް އެ ކުންފުނިން ބުންޏެވެ.

ބާރަށުގައި 1215 މީހުންގެ އާބާދީއެއް އޮންނައިރު މިހާރު ބޭނުން ކުރާ ޖަނަރޭޓަރުން އެ ރަށުގެ ހުރުހާ ގެއަކަށް ކަރަންޓ ފޯރުކޮށްދޭ ކެޕޭސިޓިއެއް ނުހުރެއެވެ. އެހެންކަމުން ކަރަންޓު ކެނޑުން ފަދަ ކަންކަން އާއްމުކޮށް ދިމާވެއެވެ.

އެ ރަށުގެ ފެނަކަ ބްރާންޗުން ބުނީ މިހާރު ކުރިއަށްދަނީ ޖަނަރޭޓަރު އިންސްޓޯލް ކުރުމުގެ މަސައްކަތް ކަމަށާއި ކަރަންޓު ދޭން ފެށުމާއެކު އެ ރަށުގެ ކަރަންޓުގެ މައްސަލަ ހައްލުވާނެ ކަމަށެވެ.

ފެނަކައިން އަންނަނީ އެ ކުންފުނިން ހިދުމަތްދޭ ރަށްރަށުގެ ކަރަންޓުގެ ކެޕޭސިޓީ އިތުރުކުރުމަށް މަސައްކަތް ކުރަމުންނެވެ. އެގޮތުން މިދިޔަ ހަފްތާގައިވެސް ބައެއް ރަށްތަކަށް އާ ޖަނަރޭޓަރު ވަނީ ގެންގޮސްފައެވެ.