ވަގުތީ ފައިސާ ކޮޅަކަށް ސަރުކާރު ކުންފުނިތަކުގެ ހިއްސާއާއި، މުދާ ވިއްކާނުލުމަށް ޕީޕީއެމްގެ ނައިބުރައީސް ޣައްސާން މައުމޫން ގޮވާލައްވައިފިއެވެ.
ޣައްސާން ކުރެއްވި ޓުވީޓުގައި ވިދާޅުވީ ދައުލަތުގެ މުދަލާއި، ސަރުކާރުގެ ކުންފުނިތަކުގެ ހަގީގީ ވެރިންނަކީ ރައްޔިތުން ކަމަށެވެ. އޭނާ ވަނީ މިހާލަތުގައި ކުރަން ނުވާހާ ބޮޑެތި ހަރަދުތައް ކުރުމަށްފަހު އެކަން ފޫބައްދަން ވަގުތީ ފައިސާކޮޅެއް ހޯދުމަށްޓަކާ، ރައްޔިތުންގެ ކުންފުނިތަކުގެ ހިއްސާއާއި، މުދާ ވިއްކާނުލަން ގޮވާލައްވާފައެވެ.
ޣައްސާން މައުމޫން މިހެން ވިދާޅުވީ، މޯލްޑިވިއަންއާ އެކު ޖޮއިންޓް ވެންޗަރކޮށް މަސައްކަތްކުރާނެ ބަޔަކު ހޯދާކަން ރައީސުލްޖުމްހޫރިއްޔާ އިއުލާންކުރެއްވުމާ ގުޅިގެންނެވެ.
Dhaulathuge mudhalai sarukaaru kunfunithakuge hageegee milkuverinnakee dhivehi rayyithun. Mihaalathuga kuran heyo nuvaa varu bodethi kharadhuthahkoh ekan foobedhumah vaguthee faisakolhakah rayyithunge kunfunithakuge hissaa aai mudha vikkaanulumah ilthimaas kuran. pic.twitter.com/XKm4xqcniz
— Mohamed Ghassan Maumoon (@mgmaumoon) August 12, 2021
ސަރުކާރު ކުންފުނިތައް ޕްރައިވަޓައިޒްކުރުމުގެ ޕްލޭންތައް މި ސަރުކާރުން ހަދަމުން އަންނަ އިރު، ސަރުކާރުން ވަނީ ކުންފުނިތައް ޕްރައިވަޓައިޒް ކޮށްގެން ދައުލަތުގެ ބަޖެޓަށް 400 މިލިއަން ރުފިޔާ ހޯދަން ނިންމާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!