މޭ މަހުގެ 6 ވަނަ ދުވަހުގެ ރޭ ހިނގި ބޮމުގެ ހަމަލާގައި ޒަޚަމްވި އާދަމް އުމަރަށް ޖެންޑާ މިނިސްޓްރީއިން އެހީތެރިވަމުންދާކަމަށް އެ މިނިސްޓްރީއިން ހާމަކޮށްފިއެވެ.
އާދަމް އުމަރަށް އެހީތެރިކަން ފޯރުކޮށްދިނުމުގައި ލަސްތަކެއް ހުރުމާއި ގުޅިގެން އާންމުންގެ ޕުރެޝަރު ބޮޑުވެފައިވަނިކޮށް، މިކަން ހާމަކުރައްވާ ޖެންޑާއިން ކުރެއްވި ޓްވީޓެއްގައި ބުނެފައިވަަނީ އެ މިނިސްޓްރީގެ މެންޑޭޓުގެދަށުން ފޯރުކޮށްދެވޭނެ އެހީގެ މަޢުލޫމާތު ހިއްސާކޮށް، ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އާއި ގުޅިގެން އެހީތެރިކަން ފޯރުކޮށްދިނުމުގެ އިންތިޒާމް ހަމަޖެއްސުމުގެ މަސައްކަތް ކުރެވެމުންދާކަމަށެވެ.
"ޚަބަރުފަތުރާ ވަސީލަތްތަކުން ޚަބަރުތައް ޝާއިއުކުރުމުގެ ކުރިން މިނިސްޓްރީއިން މަޢުލޫމާތު ކަށަވަރުކުރެއްވުމަށްވެސް ދެންނެވީމެވެ."
އެ ޓުވީޓުގައި އެދިލައްވާފައިވެއެވެ.
މޭ މަހުގެ 6 ވަނަ ދުވަހުގެ ރޭ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް ދިން ބޮމުގެ ހަމަލާގައި ޒަޚަމްވި މީހުންގެ ތެރެއިން ފަރާތެއް މި މިނިސްޓްރީގެ އެހީތެރިކަމަށް އެދިފައިވެއެވެ. މިކަމާ ގުޅިގެން މި މިނިސްޓްރީގެ މެންޑޭޓުގެދަށުން ފޯރުކޮށްދެވޭނެ އެހީގެ މަޢުލޫމާތު
1/3— Ministry of Gender, Family and Social Services (@MoGFSSmv) June 10, 2021
"ތިލަދުން" އަށް މައުލޫމަތު ދެއްވަމުން އަނިޔާވި އާދަމް އުމަރު ބުނެފައިވަނީ މިއަދު ހެނދުނުގެ ވަގުތެއްގައި ޖެންޑާއިން އޭނާއަށް ގުޅި ކަމަށާއި އަދި އެ އެހީ ހަމަޖެހިފައިވާ ކަމުގެ އީމޭއިލް އެއްވެސް ލިބިފައިވާކަމަށެވެ. މީގެއިތުރުން އެހީ ހަމަޖެހިގެން އެންސްޕާއިން ވެސް ގުޅާފައި ވާކަމަށް އާދަނު މައުލޫމާތު ދިނެވެ.
ބޮމުގެ ހަމަލާގައި އަނިޔާވި "އާންމު މީހާ" ހާލުގައި ޖެހި އާންމުންގެ އެހީއަށް!https://t.co/97YSOYyTba pic.twitter.com/aoOZyLM4t0
— Thiladhun (@thiladhun) June 10, 2021
ބޮމުގެ ހަމަލައިގާ އަނިޔާވި އާދަމް އުމަރަށް ސަރުކާރުން އެހީނުވާތީ އެކަން ކުށްވެރިކޮށް ވަރަށް ގިނަ އާންމު ފަރާތްތަކުން ވަނީީ މީސްމީޑިއާގައި ނުރުހުން ފާޅުކޮށްފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!