ހދ. ނެއްލައިދޫ ފީފާ އެޕްރޫވްޑް ފުޓްބޯޅަ ދަނޑުގައި ޓާރފް އަޅާ ނިންމާލައިފި އެވެ.
ނެއްލައިދޫ ކައުންސިލުން ބުނެފައިވަނީ، ފުޓުބޯޅަ ދަނޑު ތަރައްގީކުރުމުގެ މަޝްރޫޢުގެ ތެރެއިން, ދަނޑުގައި ޓާރފް އެޅުމުގެ މަސައްކަތް ފުރިހަމަ ކަމާއެކު ނިމިފައިވާކަމަށެވެ.
ނެއްލައިދޫގެ ތަރައްޤީއަށް އަދުގެ ސަރުކާރުން ކޮށްދެއްވަމުންގެންދަވާ މަސައްކަތްތައް ފާހަގަކޮށް ރައްޔިތުންގެ ނަމުގައި ވަރަށް އިޙްލާސްތެރި ޝުކުރެއް ދަންނަވާކަމަށް އެކައުންސިލުން ބުނެފައިވެއެވެ.
ހއ.ދިއްދޫ އާއި ހދ.ނެއްލައިދޫ އަދި އިތުރު ރަށްތަކެއްގައި ފީފާ އެޕްރޫވްޑް ޓާފް އެޅުމަށް އެއްބަސްވުމުގައި ސޮއިކޮށްފައިވަނީ 2019 ވަނަ އަހަރުގެ އޮކްޓޫބަރުމަހުގަ އެވެ.
އެދުވަހު މިނިސްޓްރީ އޮފް ޔޫތު ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި ބޭއްވި ބައްދަލުވުމެއްގައި 13 ރަށުގެ ފުޓްބޯޅަދަނޑުގެ ޓާފް އެޅުމުގެ މަސައްކަތް ހަވާލުކޮށްފައިވަނީ އަމީން ކޮންސްޓްރަކްޝަން އާއެވެ.
We can’t develop Rehabs,Vocational training & Art centers as it’s not our mandate. As a key stakeholder we provide every support requested. As mandated we keep developing Sports facilities & Youth Centers.HDh.Neillaidhoo ⚽️ pitch has been completed.Thanks to council & MP @FitteyZ pic.twitter.com/m8wBmQWtqS
— Ahmed Mahloof (@AhmedMahloof) April 23, 2021
ސަރުކާރުގެ އަމާޒެއް ކަމުގައިވާ ރަށްރަށުގައި ބޮޑު ފުޓުބޯޅަ ދަނޑުތަކެއް އެޅުމުގެ ވައުދުގެ ތެރެއިން ސަރުކާރުގެ މި ދައުރު ނިމުމުގެ ކުރިން ހާސިލް ކުރެވޭނެ ކަމަށް މިނިސްޓަރު އަހްމަދު މަހްލޫފްވަނީ ވިދާޅުވެފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!