ތިލަދުންމަތި ބާރަށު ނެރު ފުން ކުރަން އެމްޓީސީސީއަށް

ތިލަދުންމަތި ބާރަށު ނެރު ފުން ކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާ ހަވާލުކޮށްފިއެވެ.

ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތެއްގައި މި މަޝްރޫއުގެ އެއްބަސްވުމުގައި އެމްޓީސީސީގެ ފަރާތުން ސޮއި ކުރެއްވީ އެ ކުންފުނީގެ ޗީފް އޮޕްރޭޓިންއޮފިސަރު ޝާހިދު ހުސައިން މޫސާއެވެ.

މި މަޝްރޫއު އެ ކުންފުންޏާ ހަވާލުކޮށްފައިވަނީ 12.17 މިލިއަން ރުފިޔާ އަށެވެ. އަދި މި މަސައްކަތް ނިންމުމަށް 120 ދުވަހުގެ މުއްދަތެއް އެ ކުންފުންޏަށް ވަނީ ދީފައެވެ.

ޑިޒައިން އެންޑް ބިލްޑް އުސޫލުން ހއ.ބާރަށު ނެރު ފުންކުރުމަށް @MTCCPlc އާ ހަވާލުކޮށްފި.

12,179,282.34 ރުފިޔާ ހަރަދުކޮށްގެން މި މަޝްރޫޢު ކުރިއަށްގެންދިއުމަށް ހަވާލުކޮށްފައިވަނީ 120 ދުވަހުގެ ތެރޭގައި ނިންމުމަށް. pic.twitter.com/xnsvY3zrf5

— Min.of National Planning, Housing & Infrastructure (@MoNPHImv) April 6, 2021

މި މަޝްރޫއުގެ ދަށުން އެ ރަށު ނެރުގެ 79،100 ކިއުބިކް މީޓަރު ފުން ކޮށް، ޖެޓީ ކައިރީގެ 8،600 ކިއުބިކް މީޓަރުގެ ސަރަހައްދެއް ފުން ކުރާނެއެވެ.