އަންނަ މަހު 10 ދުވަހު ބޭއްވުމަށް ތައްޔާރުވަމުން އަންނަ ލޯކަލް ކައުންސިލް އިންތިހާބުގެ ކެމްޕެއިނަށް، ކަރަންޓީނު ނުވެ ރަށްރަށަށް ދެވޭ ގޮތަށް ގެނައި އިސްލާހު އުވާލަން އެޗްޕީއޭއިން ނިންމައިފިއެވެ.

އެޗްޕީއޭ މިރޭ ކުރި ޓުވިޓެއްގައި ބުނީ ރައްޔިތުންގެ ގިނަ ކަންބޮޑުވުންތަކެއް ހުރުމާގުޅިގެން ކޮވިޑް-19 ގެ ހާލަތުގައި ރައްކާތެރިކަމާއެކު ލޯކަލް ކައުންސިލްތަކުގެ އިންތިޚާބު ކުރިއަށް ގެންދިއުމުގައި އަމަލުކުރުމަށް ކަނޑައަޅާފައިވާ އުސޫލުގެ 12 ވަނަ މާއްދާއަށް ގެނައި އިޞްލާޙް އުވާލަން ނިންމާފައިވާ ކަމަށެވެ.

Ad
rt

އެ އުސޫލުގެ 12 ވަނަ މާއްދާ އަށް އިސްލާހު ގެނެސް އެކަން އެޗްޕީއޭ އިން ރޭ އާންމު ކުރުމާއެކު އާންމުންނާއި ސިއްހީ ދާއިރާގައި ހަރަކާތްތެރިވާ ބައެއް ފަރާތްތަކުގެ ފާޑުކިޔުން ވަނީ އަމާޒުވެގެން ގޮސްފައެވެ.

އެ އިސްލާހު އުވާލުމުން ކެމްޕެއިނު ހަރަކާތްތައް ކުރިއަށް ގެންދިއުމަށް އެއް ރަށުން އަނެއް ރަށަށް ދަތުރުކުރާ ނަމަ ކަރަންޓީން ކުރުމާއި ކަރަންޓީން ކުރުމުގައި އަމަލުކުރަންޖެހޭ ގޮތުގެ އުސޫލާ އެއްގޮތަށް އަމަލުކުރަންޖެހޭނެއެވެ.