ތ. އަތޮޅުގެ ރަށެއްގައި އެންމެ ފުރަތަމަ ގާއިމުކުރެވުނު ފަތާ ޓްރެކް އެއަތޮޅު ތިމަރަފުށީގައި ގާއިމުކޮށް، ބޭނުން ކުރަން ފަށައިފިއެވެ. މިއީ ޗައިނާ ސަރުކާރުން އެރަށަށް ހަދިޔާކުރި ފަތާ ޓްރެކެކެވެ.
ތ. ތިމަރަފުށީގައި އެއަތޮޅުގެ ފުރަތަމަ ފަތާ ޓްރެކް ގާއިމުކޮށް ބޭނުން ކުރަން ފެށިކަން ރައްޔިތުންގެ މަޖިލިސްގައި ތިމަރަފުށި ތަމްސީލް ކުރަށްވާ މެންބަރު އަދި ކުރީ ކޮމިސަނަރ އޮފް ޕޮލިސް، ޢަބުދުﷲ ރިޔާޟް ވަނީ ޓްވީޓާގައި ހިއްސާ ކުރަށްވާފަ އެވެ.
މިގޮތުން އެކަން ހާމަކުރަށްވާ އޭނާ ކުރެއްވި ޓްވީޓްގައި ވަނީ އެ ފަތާ ޓްރެކް ތިމަރަފުއްޓަށް ހަދިޔާކޮށްދެއްވީތީ، ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ޖަންގް ލިޖޮންގްއަށް، ތިމަރަފުށީ ރައްޔިތުންގެ ނަމުގައި ޝުކުރު އަދާކުރަށްވާފަ އެވެ.
މީގެ އިތުރުން ރިޔާޟް ވަނީ އެ ފަތާ ޓްރެކް އެރަށަށް ހޯދައި، ރައްޔިތުންނަށް ބޭނުންކުރެވޭގޮތް ހެދުމުގައި ތިމަރަފުށީ ކައުންސިލުން އަދާކުރި ދައުރު ފާހަގަކޮށް، އެ ކައުންސިލަށް މަރުޙަބާ ދަންނަވާފަ އެވެ.
The first swimming track in Thaa Atoll is in Thimarafushi! On behalf of my constituents, I thank Chinese Ambassador to Maldives for the assistance from the People’s Republic of China. I congratulate The Council & the people for their role to get it done. @AmbassadorZhang pic.twitter.com/mTam3GVsOq
— Abdulla Riyaz MP (@riyazabdulla) February 26, 2021
ރިޔާޟް ވިދާޅުވީ، އެ ފަތާ ޓްރެކަކީ ތިމަރަފުށީ ކައުންސިލުން ރާއްޖޭގައި ގާއިމުކޮށްފައި ހުންނަ ޗައިނާ އެމްބަސީގައި އެދިގެން ހޯދި ފަތާ ޓްރެކެއް ކަމަށެވެ.
ތިމަރަފުށި ފަތާ ޓްރެކް
ތިމަރަފުއްޓަށް ޗައިނާ ސަރުކާރުން ފަތާ ޓްރެކެއް ހަދިޔާކޮށްފައިވާއިރު، އެ ޤައުމުން އަންނަނީ ރާއްޖޭގެ އިތުރު ރަށްތަކަށް ވެސް ފަތާ ޓްރެކް ހަދިޔާ ކުރަމުންނެވެ. މީގެ އިތުރުން ވެސް ޗައިނާއިން އަންނަނީ ގިނަ ރޮނގު ތަކަކުން ރާއްޖެއަށް އެހީތެރިކަން ފޯރުކޮށް ދެމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!