ކޯވިޑް ވެކްސިން ޖެހި ދޮށީ އުމުރު މީހަކު ނިޔާވެއްޖެ

ރާއްޖޭގައި ކޯވިޑް ވެކްސިންގެ ފުރަތަމަ ޑޯޒްޖެހި އުމުރުން 93 އަހަރުގެ މީހަކު ނިޔާވެއްޖެ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވީ ރާއްޖޭގައި ކޯވިޑް ވެކްސިން ޖެހި މީހަކު ނިޔާވެފައިވާ ކަމަށާއި، އެ މަރުގެ ސަބަބު ހޯދުމަށް ތަހުގީގު ކުރާނެ ކަމަށެވެ.

އެމީހާ ކޯވިޑް ވެކްސިން ޖަހާފައި ވަނީ މިމަހުގެ 17 ވަނަ ދުވަހު ކަމަށް ވެސް އެޗްޕީއޭއިން ބުނެއެވެ.

މިއަދު ހެނދުނު ނިޔާވީ އުމުރުން 93 އަހަރުގެ ފިރިހެނެކެވެ. އޭނާއަކީ ގިނަ އަދަދެއްގެ ބަލިތަކެއް ތަހައްމަލު ކުރަމުން ދިޔަ، އަދި އޭނާއަށް ހިނގާބިނގާވެ ނޫޅެވޭތާ 10 އަހަރު ވެފައިވާ ކަމަށް އެޗްޕީއޭ އިން ވިދާޅުވެއެވެ.

He was administered the Covishield vaccine on 17th February.

As per protocol, a full investigation is being carried out to confirm the cause of death and details will be shared once completed (2/3)

— Health Protection Agency (@HPA_MV) February 19, 2021

ބައެއް މީޑިއާ ރިޕޯޓްތައް ބުނާ ގޮތުން ކޯވިޑް ވެކްސިން ޖެހިފަހުން ނިޔާވީ ފިނޭންސް މިނިސްޓަރު އިބްރާޙީމް އަމީރުގެ ކާފައެވެ.

ރާއްޖޭގައި މިހާތަނަށް ދެމުން ދަނީ އިންޑިއާއިން ހަދިޔާކުރި ކޮވިޝީލްޑް ވެކްސިނެވެ. އެ ވެކްސިން ރާއްޖޭގައި ދޭން ފެށީ މިމަހުގެ އެއްވަނަ ދުވަހުން ފެށިގެންނެވެ. އަދި ރާއްޖެއިން މިހާތަނަށް64 ހާހަށްވުރެ ގިނަ މީހުން ވަނީ އެ ވެކްސިން ޖަހާފަ އެވެ.