އެޕޮއިންޓްމަންޓް ހެއްދުން ފަސޭހަކުރުމަށް ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް) އިން މޯބައިލް އެޕެއް ލޯންޗުކުރުމަށް ހަމަޖެހިފައިވާކަމަށް އެހޮސްޕިޓަލުން ބުނެފި އެވެ.
އެހޮސްޕިޓަލުން މިހެން ބުނެފައިވަނީ، މެދުވެރިކޮން ވެބްސައިޓުން މެދުވެރިންކޮން އެޕޮއިންޓްމެންޓް ހެއްދުމަށް އާންމުން ހޭލުންތެރިކުރުވުމުގެ ގޮތުން އެޕޮއިންޓްމަންޓް ހައްދަވާނެ ގޮތް ކިޔައިދިނުމަށް ނެރެފައިވާ ވީޑިއޯއެއް ހިމަނަމުންނެވެ.
ކޭއާރުއެޗްއިން ބުނެފައިވަނީ އެޕޮއިންޓްމަންޓް ހެއްދުމުގެ ސިސްޓަމްއަށް ލުއިފަސޭހަކަން ގެނައުމަށްޓަކައި ވެބްސައިޓްގެ ޔޫސަރ އިންޓަފޭސް ރަގަޅުކޮށް، މޯބައިލް އެޕެއް ލޯންޗުކުރުމަށް ވާން ޖެހޭ ތައްޔާރީތައް ވަމުންދާކަން ހިދުމަތް ހޯދާ ފަރާތްތަކުގެ މައުލޫމާތަށްޓަކައި ދަންނަވާކަމަށެވެ.
އެޕޮއިންޓްމަންޓަށް ހުޅުވާލާ ގަޑީގައި ކޯލްތަކަށް ޖަވާބު ދިނުމަށް ބެކް އޮފީހެއް ޤާއިމު ކުރެވި ޕީކް ގަޑީގައި ފޯނަށް ޖަވާބު ދޭ މުވައްޒަފުންގެ އަދަދު ވާނީ އިތުރު ކުރެވިފައިކަމަށާއި ހިދުމަތުގެ ފެންވަރު ރަގަޅު ކުރުމަށްޓަކައި ތިޔަ ބޭފުޅުން ހިއްސާ ކުރައްވަމުން ގެންދަވާ ބިނާކުރަނިވި ހިޔާލުތައް އަޅުގަނޑުމެން ނުހަނު އުފަލާއެކު ބަލައިގަންނަން.
ކޭއާރުއެޗްއިން ބުނެފައިވެއެވެ.
މިދިޔަ އަހަރުގެ އޯގަސްޓް މަހުގެ 28 ވަނަ ދުވަހު މި ވެބްސައިޓް ލޯންޗުކުރި ދުވަހު އެހޮސްޕިޓަލުން ބުނެފައިވަނީ ވެބްސައިޓް ލޯންޗް ކުރުމުގެ މަޤްޞަދަނީ ހޮސްޕިޓަލުގެ މައުލޫމާތު ވީހާ ވެސް ރައްޔިތުންނާ ގާތުން ފޯރުކޮށްދިނުން ކަމަށެވެ.
ވެބްސައިޓް ފަރުމާ ކޮށް ޑިޒައިން ކޮށްފައި ވަނީ އެ ހޮސްޕިޓަލުގެ ސީނިއަރ ކޮމްޕިއުޓަރ ޕްރޮގުރާމަރ އަހްމަދު އަލީ އެވެ. މި މަސައްކަތް ކާމިޔާބު ކަމާއެކު ނިންމާލުމުގައި އައިޓީ ޓީމުގެ މެންބަރުން ކަމުގައިވާ ހަސަން އަހްމަދު, އަލީ އަހްމަދު އަދި ސީނިއަރ ކަސްޓަމަރ ރިލޭޝަންސް އޮފިސަރ މުހައްމަދު ހުސައިން ކުރި މަސައްކަތަށް އެ ހޮސްޕިޓަލުން ވަނީ ޝުކުރު އަދާކޮށްފައެވެ.
ބުރައުޒަރ ހުޅުވުމަށް ފަހު ހޮސްޕިޓަލުގެ ވެބްސައިޓަށް ވަންނަވާ (www.krh.gov.mv)
ވެބްސައިޓް ލޯޑްވުމުން “Make Appointment” އަށް ކުލިކް ކޮށްލައްވާ!
ބޭނުންވާ ޑިޕާޓްމަންޓް އަދި ބޭނުންވާ ޑޮކްޓަރު ނަންގަވާ!
ކަލަންޑަރުން ރަތް ކުލަ ރަމްޒު ކޮށްދެނީ ވެބްސައިޓުން އެޕޮއިންޓްމަންޓް ހެއްދުމަށް ދޫކުރެވިފައިވާ ހުރިހާ ޖާގައެއް ފުރިފައި ހުރިކަމެވެ. ހުދު ކުލަ ރަމްޒު ކޮށްދެނީ އެޕޮއިންޓްމަންޓް ލިބެން އެބަހުރިކަމެވެ. އަދި އަޅި ކުލަ ރަމްޒު ކޮށްދެނީ ޑޮކްޓަރުގެ ޑިއުޓީ އަދި ތާވަލު ކުރެވިފައި ނުވާ ދުވަސްތަކެވެ. (ޑޮކްޓަރުގެ ޑިއުޓީ ހަދަނީ ކުރިއަށް އޮންނަ ދެ ހަފްތާއަށެވެ. ވެބްސައިޓުން ކަނޑައެޅިފައިވާ ޖާގަތައް ފުރިފައި ހުރި ނަމަވެސް، އަޅުގަނޑުމެންގެ އެޕޮއިންޓްމަންޓް ނަންބަރު 6528864 އަށް ގުޅައިގެން، ނުވަތަ އަޅުގަނޑުމެންގެ އެސްއެމްއެސް ނަންބަރަށް މެސެޖް ކޮށްގެން 7887799 އެޕޮއިންޓްމަންޓް ލިބުން އެކަށީގެންވެއެވެ.ވެބްސައިޓުން އެޕޮއިންޓްމަންޓް ހެއްދުމަށް ކޮންމެ ދުވަހަކަށް ވެސް ހާއްސަ ކުރެވިފައި ވަނީ ކަނޑައެޅިފައިވާ ވަކި އިންސައްތައެކެވެ.)
ދުވަސް ނެންގެވުމަށް ފަހު ބޭނުންވާ ގަޑި ނަންގަވާ އަދި އައިޑީކާޑް ނަންބަރާއި، ނަމާއި، އީ-މެއިލް އަދި ފޯނު ނަންބަރު ހިމެނޭ ފޯމް ފުރުއްވުމަށް ފަހު ބުކިން އޯވަވިއުގެ ތިރީގައިވާ ފާހަގައަށް ފިތާލުމަށް ފަހު ސަބްމިޓް ކޮށްލައްވާ!
އެޕޮއިންޓްމަންޓް ލިބިއްޖެ ނަމަ ކޮންފާމޭޝަން އީ-މެއިލްއެއް އިންބޮކްސްއަށް ލިބިލައްވާނެ!
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!