ގދ. ތިންދޫ ސަރަހައްދީ ވިޔަފާރި ބަނދަރު ތަރައްގީ ކުރުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާއި ހަވާލުކޮށްފި އެވެ.
އިއްޔެ ބޭއްވި ރަސްމިއްޔާތެއްގައި އެ މަސައްކަތުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ ސީއީއޯ އާދަމް އާޒިމް އެވެ. އެމްޕީއެލްގެ ފަރާތުން ސޮއިކުރެއްވީ ސީއީއޯ ޝާހިދު އަލީ އެވެ.
އެމްޕީއެލްގެ ފަރާތުން އެމްޓީސީސީއަށް އެ މަޝްރޫއު ހަވާލު ކުރި އިރު، ތިނަދޫ ސަރަހައްދީ ބަނދަރު ގާއިމުކުރުމަށް އެ ރަށުން 10،8000 އަކަފޫޓުގެ ބިމެއް އެރަށު ކައުންސިލުން ވަނީ އެމްޕީއެލަށް ދީފައެވެ.
MTCC has signed with @Portmv to design and build Gdh. Thinadhoo Regional Port during an event held at Gdh. Thinadhoo today. The project is valued at MVR 15 million and is expected to be completed within 45 days. pic.twitter.com/3yL0qC5LPB
— MTCC Plc (@MTCCPlc) December 22, 2020
45 ދުވަހުގެ ތެރޭގައި މަސައްކަތް ނިންމާ ގޮތަށް ހަވާލުކުރި، އެ މަޝްރޫއުގެ ދަށުން އެރަށުގެ 4،500 ކިއުބިކް މީޓަރުގެ ފަޅު ފުން ކުރާނެއެވެ. އަދި އެ ސަރަހައްދުގެ ބިން އެއްވަރުކޮށް، ސެކިޔުރިޓީ ފެންސް ޖަހައި ސްޓޯމް ވޯޓާ ޑްރެނޭޖު ސިސްޓަމް ގާއިމްކޮށް، 3،000 އަކަމީޓަރުގެ ޕޭވްމެންޓް ޖަހާނެއެވެ.
މި މަސައްކަތް އެމްޓީސީސީ އާ ހަވާލުކޮށްފައިވަނީ 15 މިލިއަން ރުފިޔާއަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!