9 މީހުންނާއި އެކު މަހަށް ނުކުމެ އުޅުނު ދޯންޏެއް އަޑިއަށް ގޮސް އެންމެ ކަނޑުވެފައިތިއްބާ އެސަރަހައްދުން ދަތުރުކުރި އެހެންދޯންޏަކުން އެންމެން ސަލާމަތްކޮށްފައިވާކަމަށް އެމްއެންޑީއެފްއިން ހާމަކޮށްފިއެވެ.
އެމްއެންޑީއެފުން ނޫސްވެރިންނަށް މަޢުލޫމާތުދެމުން ބުނެފައިވަނީ މި 9 މީހުންކަނޑުވެފައިވަނީ މާލެއާއި 17 މޭލުން ކ. ހުރާ ބޮއި ކައިރިންކަމަށެވެ. މިހާރު ސަރަހައްދުން ދަތުރުކުރި ދޯންޏަކަށް މިހާރު ނަގާފައިވާކަމަށެވެ.
އެމްއެންޑީއެފުން ބުނެފައިވަނީ ކަނޑުރޯދި 1 ނަމަކަށް ކިޔާ މި ދޯނި އަޑިއަށް ގޮސްފައިވަނީ ކަނޑުގަދަވެ މޫސުން ގޯސްވުމުފެ ސަބަބުންކަމަށާއި މި ހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށެވެ.
9 meehunaaeku Male’ aa 17 nm irun, K.Huraa buoy kairy masverikamugai ulhunu "Kanduroadhi 1" moosun goasve kandu gadhave, dhoani adiah gos, falhuverin kanduvefai thibbaa e sarahahdhun dhathurukuri ehen dhoanyakun nagaifi. Mi sarahadhugai MNDF MA CG Squadron in harakaaiytherivanee
— Maldives National Defence Force (@MNDF_Official) July 18, 2020
މި ހާދިސާގެ ރިޕޯޓްލިބިފައިވަނީ ހެނދުނު 06:33 އެހާކަންހާއިރުކަމަށް އެމްއެންޑީއެފް އިން ބުނެއެވެ. އަދި އަޑިއަށް ދިޔަ ދޯނީގެ ފަޅުވެރިން ނެގި ދޯނީގެ ކައިރީގައި އެމްއެންޑީއެފްގެ ވެލާނާ ލޯންޗް ހަރަކާތެރިވަމުން އަންނަކަމަަށްވެސް އެމްއެންޑީއެފުން މަޢުލޫމާތުދީފައިވެއެވެ.
މޫސުން ގޯސްވެ ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކޮށް ފަތިހު 04:00 އިން މިއަދު ހެނދުނު 10:00 އާއިހަމައަށް މޫސުމާއި ބެހޭ ޤައުމީ އިދާރާއިން ވަނީ ވައިޓް އެލާޓް ނެރެފައެވެ.އަދި މޫސުމަށް ހުރިހާ ފަރާތްތަކުން ސަމާލުވުމަށްވެސް އެ އިދާރާއިން ވަނީ އިލްތިމާސްކޮށްފައެވެ.
އެމްއެންޑީއެފް އިން މަޢުލޫމާތު ދޭގޮތުގައި މިމީހުން މިހާރުވަނީ މާލެ ގެނެވިފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!