އިރުކޭތަ ނަމާދު ކުރުން މާދަމާ ހެނދުނު 10:30 ގައި މާލެ، ހުޅުމާލެ އަދި ވިލިމާލެ ފިޔަވައި ރާއްޖޭގައި މީހުން ދިރިއުޅޭ ރަށްރަށުގައި ހުންނަ އެންމެ ބޮޑު މިސްކިތުގައި އޮންނާނެކަމަށް މިނިސްޓްރީ އޮފް އިސްލާމިކް އެފެއާޒް އިންބުނެފިއެވެ.
އެ މިނިސްޓްރީއިން ނެރުނު ސަރކިއުލަރ އެއްގައި ބުނެފައިވަނީ މިމަހުގެ 21 ވާ އާދިއްތަ ދުވަހު އިރުކޭތައެއް ހިފާނެކަމަށާއި މި އިރުކޭތަ ހިފަންފަށާނީ ރާއްޖެ ގަޑިން އާދިއްތަ ދުވަހުގެ ހެނދުނު 09:39 ގައި ކަމަށާއި އަދި ކޭތަ އެންމެ ބޮޑަށް ހިފާފައި ހުންނާނީ، އާދިއްތަ ދުވަހުގެ ހެނދުނު 10:51 ގައިކަމަށެވެ.
އިރުކޭތަ ވީއްލާނީ މެންދުރު 12:14 ގައެވެ. މި ކޭތައަކީ ހަމަލޮލަށް ފެންނާނެ ކޭތައެކެވެ. ކޭތަ އެންމެ ސާފުކޮށް ފެންނާނީ އެކްސްރޭ ޝީޓު ފަދަ ހުރަހެއް ބޭނުންކޮށްގެންކަމަށް ކައުންސިލްގެ އިދާރާތަކަށް ފޮނުވި ސަރކިއުލަރ ގައި ބުނެފައިވެއެވެ.
Tomorrow’s solar eclipse will be visible in Maldives as a partial one, though it will be seen as an annular eclipse (ring of fire) in some areas of Africa, Southern Europe and Asia. We were lucky enough to see a beautiful ring eclipse in 2010. Photo attached. @MRM_Office pic.twitter.com/E2Xu0ppcYZ
— Maumoon Abdul Gayoom (@maumoonagayoom) June 20, 2020
މާލެ، ހުޅުމާލެ އަދި ވިލިމާލެ ފިޔަވައި ރާއްޖޭގައި މީހުން ދިރިއުޅޭ ރަށްރަށުގައި ހުންނަ އެންމެ ބޮޑު މިސްކިތުގައި 2020 ޖޫން 21 ވާ އާދިއްތަ ދުވަހުގެ ހެނދުނު 10:30 ގައި ކޭތަނަމާދު ކުރެވޭނޭ އިންތިޒާމު ހަމަޖައްސަވައި ދެއްވުމަށް ކައުންސިލްތަކުގައި އެމިނިސްޓްރީއިން ވަނީ އެދިފައެވެ.
ފަލަކީ އިލުމުވެރިންގެ ބަހުންނަމަ، މާދަމާގެ ކޭތައަކީ އެނިއުލަރ އެކްލިޕްސް ނުވަތަ އަނގޮޓި ކޭތައެކެވެ.
ފަލަކީ އިލުމުވެރިން ވިދާޅުވާ ގޮތުގައި، މާދަމާ ހިފާ އިރުކޭތަ ފެންނާނީ ދެކުނު ޕެސިފިކްގެ ޖަޒީރާޤައުމުތަކަށާއި އިރުމަތީ އޭޝިޔާ އާއި ދެކުނު އޭޝިއާ އަދި މެދުއިރުމައްޗާއި، އެފްރިކާ ބައްރުގެ ޤައުމުތަކަށެވެ. ޔޫރަޕާއި އެމެރިކާ ބައްރަށް މިކޭތައެއް ނުފެންނާނެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!