ކޯވިޑް-19ޖެހިގެން ޓްރީޓޮޕް ހޮސްޕިޓަލުގައި އެޑްމިޓްކޮށް ފަރުވާދެމުންދިޔަ ބަންގްލަދޭޝް މީހަކު މަރުވެއްޖެއެވެ.
ހެލްތު ޕްރޮޓެކްޝަން އެޖެންސީ، އެޗް.ޕީ.އޭއިން ދެންމެކުރި ޓުވީޓެއްގައި ބުނެފައިވަނީ، ކޯވިޑް-19 އަށް ފަރުވާދެމުންދަނިކޮށް މަރުވެފައިވަނީ އުމުރުން 54 އަހަރުގެ ބަންގްލަދޭޝް ފިރިހެނެއްކަމަށެވެ. އަދި އޭނާ މަރުވެފައިވަނީ ޓްރީޓޮޕް ހޮސްޕިޓަލުގައި ފަރުވާދެމުންދަނިކޮށް މިއަދު މެންދުރު 02:30 ހާއިރުކަމަށެވެ.
މިއީ ހަފްތާއެއްގެ ތެރޭގައި ކޯވިޑް-19 ޖެހިގެން ރާއްޖެއިން މަރުވި ދެވަނަ މީހާއެވެ. އެގޮތުން މިދިޔަ ހަފްތާގެ އަންގާރަ ދުވަހު މަގުމައްޗަށް ވެއްޓިފައި އޮވެގެން ހޮސްޕިޓަލަށް ގެންދިޔަ ބަންގްލަދޭޝް މީހަކު ވަނީ ކޮވިޑަށް ޕޮޒިޓިވްވެފައެވެ. ނަމަވެސް އޭނާ ހޮސްޕިޓަލަށް ގެންދިޔައިރު ވެސް ވަނީ މަރުވެފައެވެ.
Today at 02:30pm, a 54 year old Bangladeshi male admitted at Tree Top Hospital has passed away.
This is the 6th COVID-19 death in the Maldives.
Our thoughts and prayers are with the bereaved family. May Allah grant his soul eternal peace in heaven.
— Health Protection Agency (@HPA_MV) June 1, 2020
މިއަދު މަރުވި މީހާއާއެކު ކޯވިޑް ބަލީގައި މަރުވި މީހުންގެ އަދަދު ވަނީ 6އަކަށް އަރައިފައެވެ. އެއީ ތިން ދިވެހިންނާއި ބަންގްލަދޭޝްގެ ތިން މީހުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!