ރާއްޖެއިން ކޮވިޑް-19 އަށް އިތުރު 36 މީހަކު ފައްސިވެ ރާއްޖެއިން މިބަލި ޖެހުނު މީހުންގެ ޢަދަދު 177 އަށް އަރައިފިއެވެ.
އެޗްޕީއޭ އިން ބުނީ މި މީހުންގެ ތެރޭގައި ހިމެނެނީ ބަންގްލަދޭޝްގެ 29 މީހަކާއި، 6 ދިވެއްސަކާއި، އިންޑިއާ މީހެއް ކަމަށެވެ.
މީގެތެރެއިން 30 މީހުންނަކީ ތޮއްޖެހިގެން ތިން ގެއެއްގައި ދިރިއުޅެމުންދާ މީހުންތަކެއް ކަމަށް އެޗްޕީއޭ އިން ބުނެއެވެ. މި މީހުން އައިސޮލޭޝަން ފެސިލިޓީއަކަށް ބަދަލުކުރުމުގެ މަސައްކަތް މިހާރު އަންނަނީ ކުރަމުންނެވެ.
✳️ COVID-19 Latest Update:
An additional 36 cases (MAV0142 to MAV0177) of 29 Bangladeshis, 6 Maldivians and 1 Indian nationals have been confirmed.
These cases include 30 individuals from three vulnerable houses.
The individuals will be moved to an Isolation Facility.
— Health Protection Agency (@HPA_MV) April 25, 2020
މި ބައްޔަށް ފައްސިވި މީހުންގެ ތެރެއިން މިހާތަނަށް 17 މީހަކު ވަނީ ބަލިން ރަނގަޅުވެފައެވެ.
ރާއްޖެއިން މި ބައްޔަށް ފައްސިވާ މީހުންގެ އަދަދު އިތުރުވަމުންދާއިރު، މާލެ ސަރަހައްދު މިވަގުތު އޮތީ 14 ދުވަހުގެ ފުރަބަންދެއްގައެވެ. މި ފުރަބަންދުގެ މުއްދަތު އަންނަ މަހުގެ އެކަކަށް ހަމަވާއިރު، މުއްދަތު އިތުރުކޮށްފާނެ ކަމުގެ އިޝާރާތެއް ހެލްތު މިނިސްޓަރު އަބްދުﷲ އަމީން އިއްޔެ ވަނީ ކުރައްވާފައެވެ.
މާލޭގެ އިތުރުން ރާއްޖޭގެ އެހެން ބައެއް ރަށްތައް ވެސް މިހާރު ވަނީ މޮނީޓަރިންގެ ހާލަތަށް ގެނެސްފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!