މާލެއިން ދެވަނަ އަށް ޕޮޒިޓިވްވެފައިވަނީ ފުރަތަމައަށް ޕޮޒިޓިވްވި އަންހެން މީހާގެ ތުއްތު ދަރިފުޅު ކަމަށް އެޗްޕީއޭއިން ބުނެފިއެވެ.
މީގެ އިތުރުން އެއިނާއާއި ޑައިރެކްޓް ކޮންޓެކުވި 10 މީހެއްގެ ނަތީޖާ ނެގެޓިވް ވެފައިވާކަމަށް އެޗްޕީއޭ އިން ބުނެއެވެ. އެ ދެމައިން މިހާރު ތިބީ އައިސޮލޭޝަން ފެސިލިޓީއަށް ގެންގޮސްފަ އެވެ.
ދެމައިން ދިރިއުޅޭ ޖަރީމާގެއިން ދެން ޓެސްޓްކުރި 10 މީހުން ކޮވިޑް-19 އަށް ނެގެޓިވް ކަމަށް ވެސް އެޗްޕީއޭއިން މިރޭ ވަނީ ބުނެފަ އެވެ. އެހެން ނަމަވެސް އަދިވެސް ކޮންޓެކްޓް ޓްރޭސިން ދަނީ ކުރަމުންނެވެ. އަދި ނުސީދާ ކޮންޓެކްޓްވި މީހުންނާއެކު 54 މީހަކު ވަނީ އެކަހެރިކޮށްފަ އެވެ.
ކޮވިޑް-19 އަށް މާލެއިން ފުރަތަމަ ޕޮޒިޓިވްވި އަންހެން މީހާއަކީ އެއްވެސް ޓްރެވެލް ހިސްޓްރީއެއް އޮތް މީހެއް ނޫނެވެ. އެހެންކަމުން އޭނާއަށް ބަލި ޖެހުނު ގޮތެއް އަދި ވަނީ ނުހޯދި އެވެ.
އޭނާ ދިރިއުޅޭ ގެ އާއި އިތުރު ގެއެއް ވެސް މާލެއިން ވަނީ ލޮކްޑައުންކޮށްފަ އެވެ. އައްޑޫ ސިޓީގެ ގެއެއް ވެސް ލޮކްޑައުން ކޮށްފައިވާއިރު ކ. ކާށިދޫ ވެސް ވަނީ ކޮންޓެކްޓް ޓްރޭސިންއަށް ލޮކްޑައުންކޮށްފަ އެވެ.
މާލޭގައި މިހާރު ކޮވިޑް-19 ބަލި ފެތުރެނީ ކަމަށް ބަލައި ރެޑް އެލާޓަށް ވަނީ މާލެ ގެނެސްފަ އެވެ. އަދި ކުރިއަށް އޮތް 24 ގަޑިއިރު މާލެއަށް އަރާ ފޭބުމާއި މާލޭގައި މީހުން ބޭރަށް ނުކުމެ އުޅުން ވަނީ މަނާކޮށްފަ އެވެ.
The second case confirmed as positive for #COVID19 is a toddler (case: MAV022) — the child of the case: MAV021 confirmed earlier yesterday.
10 out of the 11 samples taken from direct contacts of the positive Maldivian (case: MAV021) have tested NEGATIVE for #COVID19. https://t.co/ZB3VDCTmJQ
— Health Protection Agency (@HPA_MV) April 15, 2020
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!