ޕާކިސްތާނުގައި ޕޯލިއޯ ބަލި އަލުން އިތުރުވަމުންދާކަން ފާހަގަކުރެވި، މިކަމާ ގުޅިގެން ބައިނަލްއަޤްވާމީ ޞިއްޙީ މާހިރުން ކަންބޮޑުވުން ފާޅުކޮށްފިއެވެ.
2023 ވަނަ އަހަރު މުޅި ދުނިޔޭގައި ހަމައެކަނި 6 ކޭސް ރިޕޯޓުކުރެވުނު ނަމަވެސް، 2024 ވަނަ އަހަރު މިހާތަނަށް ޕާކިސްތާނުގައި 73 ކޭސް ރިޕޯޓުކުރެވިފައިވާކަމަށް ޞިއްޙީ އިދާރާތަކުން ބުނެއެވެ.

ޕޯލިއޯ ބަލި ނައްތާލުމަށް ކުރެވެމުންދިޔަ މަސައްކަތްތަކަށް މިއީ ބޮޑު ހުރަހެއް ކަމުގައި ޞިއްޙީ މާހިރުން ދެކެއެވެ. އަފްޣާނިސްތާނުގައި ހިނގަމުންދާ ހަނގުރާމައިގެ ސަބަބުން ޕޯލިއޯ ބަލި ފެތުރުމަށް މަގުފަހިވެފައިވާކަމަށް މާހިރުން ފާހަގަކުރެއެވެ.

Ad
rt

1955 ވަނަ އަހަރު ޕޯލިއޯ ވެކްސިން ތަޢާރަފުކުރުމުގެ ކުރިން، މި ބައްޔަކީ އަހަރަކު 500،000 އަށްވުރެ ގިނަ މީހުން މަރުވެގެންދިޔަ ނުރައްކާތެރި ބައްޔެކެވެ. ނަމަވެސް، 2000 ވަނަ އަހަރާ ހަމައަށް އައިއިރު، ވެކްސިން ދިނުމުގެ ސަބަބުން މުޅި ދުނިޔެއިން މި ބަލި ނައްތާލެވިފައިވާ ކަމަށް ބެލެވުނެވެ. އެހެންނަމަވެސް، މިހާރު އަލުން މި ބަލި އިތުރުވަމުން ދިއުމަކީ ބޮޑު ކަންބޮޑުވުމެއް ކަމުގައި ބައިނަލްއަޤްވާމީ ޞިއްޙީ ޖަމްޢިއްޔާތަކުން ދެކެއެވެ.