ރ. ދުވާފަރުގެ ކަރަންޓަށް ދިމާވި މައްސަލަ ސްޓެލްކޯގެ އެހީތެރިކަމާއެކު ހައްލުކޮށް ދީފިއެވެ.

ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވީ، ސްޓެލްކޯގެ އިންޖީނިއަރިން ޓީމުގެ އެހީތެރިކަމާއެކު، މިއަދު ހެނދުނު 6:30 ހާއިރު ރ. ދުވާފަރުގެ ކަރަންޓުގެ މައްސަލަ ހައްލުކޮށް އެ ރަށަށް ވަނީ ކަރަންޓު ދީފައި ކަމަށެވެ.

Ad
rt

ރައްޔިތުންނަށް އެ ކުންފުނީގެ ބޭނުން ޖެހޭ މިފަދަ ކޮންމެ ދަނޑިވަޅެއްގައި، އެއީ ޤައުމީ މަސައްކަތެއް ކަމުގައި ދެކި، ކުންފުނީގެ މުވައްޒަފުން ކުރައްވަމުންގެންދަވާ އިޚްލާސްތެރި މަސައްކަތްތަކަށް ފަޚުރުވެރިކަމާއި ސާބަހާއިއެކު ޝުކުރުއަދާކުރައްވާކަމަށް ފަހުމީ ވިދާޅުވެފަވެއެވެ.

''ސްޓެލްކޯ ވާނީ އަބަދުވެސް ރައްޔިތުންނާއެކު، އެ ރައްޔިތުންގެ ޚިދުމަތުގައި'''ފަހުމީ ވިދާޅުވިއެވެ.

ދުވާފަރުގެ ގިނަ އަދަދެއްގެ ގޭ ބިސީތަކަކުން އިއްޔެ ވަނީ ކަރަންޓު ކެނޑިފައެވެ. އެކަން ދިމާވީ ކޭބަލަކަށް ދިމާވި މައްސަލައަކުންކަމަށް އިނގިފަވެއެވެ.

ދުވާފަރަށް ކަރަންޓުގެ ޚިދުމަތް ފޯރުކޮށްދެމުން އަންނަނީ ފެނަކައިންނެވެ.