މިނިސްޓްރީ އޮފް ޓުއަރިޒަމް އިން އިންތިޒާމުކޮށްގެން ބާއްވާ ނިއު އިޔާ ޝޯ މިއަހަރުވެސް ކާނިވާ ސަރަހައްދުގައި ބާއްވާނެކަމަށް އެމިނިސްޓްރީއިން ބުނެފިއެވެ.
ޓުއަރިޒަމް މިނިސްޓްރީން މިއަދު ކުރި ޓްވީޓެއްގައި ބުނެފައިވަނީ އާ އަހަރުގެ ޝޯ، އަންގާރަ ދުވަހުގެރޭ 20:30 އިން ފެށިގެން ކުރިއަށްދާނެ ކަމަށެވެ.
Welcoming 2020: An MoT event on 31st December 2019 at 2030hrs.
Live at Carnival stage with laser and lights.#visitmaldives#welcoming2020 pic.twitter.com/NI7R98NN0n— Ministry of Tourism (@MoTmv) December 28, 2019
އަދި ޝޯ ކުރިއަށްދާނީ ލޭޒާ އާއި ލައިޓްތަކާއެކު ކަމަށް މިނިސްޓްރީން ވަނީ ބުނެފައެވެ.
މިނިސްޓްރީއިން ނިއު އިޔާ ޝޯ ބޭއްވުމަށް ނިންމާފައި މިވަނީ މިއަހަރުގެ ޝޯ ދީނީ އިލްމުވެރިންގެ އެދުމުގެ މަތިނަ ނުބާއްވާނެ ކަމަށް ވާހަކަތަކެއް ދެކެވެމުން ދިޔަ ދަނޑިވަޅެއްގައެވެ.
އާ އަހަރުގެ ޝޯ އަކީ ކުރީގެ ސަރުކާރުން ވަރަށް ކުލަގަދަކޮށް ފާހަގަކުރަމުން އައިސްފައިވާ އިވެންޓެކެވެ. އެގޮތުން ޕްރިޔަންކާ ޗޯޕްރާ އާއި އޭކަން އަދި އަރްމާން މަލިކް ފަދަ ފަންނާނުން ރާއްޖެ ގެނެސްފައި ވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!