ކުޑަކުދިންނާއިއެކު ގެއްލުނު ޑިންގީ ފެނިއްޖެ

ފިރިހެނަކާއި ތިން ކުޑަކުދިންނާއެކު ދަތުރުކުރަނިކޮށް ގެއްލިގެން ހޯދަމުން ދިޔަ ޑިންގީ ފެނިއްޖެ އެވެ.

ޑިންގީ ފެނިފައިވަނީ ހިމިތިއާ ދިމާލު ބޭރުންނެވެ. އަދި އޭގާ ތިބި އެންމެންގެ ހާލުވެސް ރަނގަޅުކަމަށް މަޢުލޫމާތު ލިބިފައި އެވެ.

އެމްއެންޑީއެފްގެ ކޯސްޓްގާޑްގެ ފަރާތުން ނޫސްވެރިންނަށް މައުލޫމާތުދެއްވަމުން ކާނަލް މުހައްމަދު ސަލީމް ވިދާޅުވީ އެ އުޅަނދު ލޮކޭޓް ކުރެވިފައިވާ ކަމަށެވެ.

ހަބަރެއް ނުވެގެން އެމްއެންޑީއެފް ކޯސްޓުގާޑް އިން ހޯދަމުންދިޔަ ޑިންގީ މިރޭ 20:00 ހާއިރު ފެނިއްޖެ. ޑިންގީ ފެނިފައި ވަނީ ފ .ހިމިތި ގެ ހުޅަންގުން 7 މޭލު ބޭރުގައި ވަނިކޮށް. އެމްއެންޑީއެފް ކޯސްޓްގާޑުގެ ގެ އެހީތެރިކަމާ އެކު މިހާރު މިޑިންގީ އައްނަނީ ފ. ފީއަލި އަށް ދަތުރުކުރަމުން

އެމްއެންޑީއެފް އިން ނޫސްވެރިންނަށް މަޢުލޫމާތު ދެމުން ބުނެފައި ވެއެވެ.

Habareh nuvegen MNDF Coast Guard in hoadhamundhiya dinghy mirey 20:00 haairu fenijje. Dinghy fenifai vanee F.Himithi ge hulhangun 7nm beyrugai vanikoh. Dinghy fenunuiru eygai thibi emmenge haaluves rangalhu. MNDF CG ge eheetherikamaa eku dinghy annanee F.Feeali ah dhathurukuramun

— Maldives National Defence Force (@MNDF_Official) December 20, 2019

މި ހާދިސާގެ މަޢުލޫމާތު އެމްއެންޑީއެފް ކޯސްޓްގާޑުގެ މެރިޓައިމް ރެސްކިއު ކޯޑިނޭޝަން ސެންޓަރަށް ލިބިފައިވަނީ މިއަދު 16:53 ހާއިރުއެވެ. ޑިންގީގައި ތިބި ކުޑަ ކުދިން އުމުރުތަކަކީ 09، 11 އަދި 13 އަހަރެވެ.